നറുക്കെടുപ്പ് ലംഘനം; കോട്ടാങ്ങൽ പഞ്ചായത്ത് വൈസ് പ്രസിഡന്റ് തെരഞ്ഞെടുപ്പ് റദ്ദാക്കി
പത്തനംതിട്ട: പത്തനംതിട്ട ജില്ലയിലെ കോട്ടാങ്ങൽ ഗ്രാമപഞ്ചായത്തിലെ വൈസ് പ്രസിഡന്റ് തെരഞ്ഞെടുപ്പ് നടപടിക്രമങ്ങൾ ചട്ടവിരുദ്ധമാണെന്ന് കണ്ടെത്തിയതിനെ തുടർന്ന് സംസ്ഥാന തെരഞ്ഞെടുപ്പ് കമ്മീഷൻ തെരഞ്ഞെടുപ്പ് ഫലം റദ്ദാക്കി.
എസ്ഡിപിഐ നൽകിയ പരാതിയിലാണ് കമ്മീഷന്റെ നടപടി.
എയർ ടാക്സി ഈവർഷം തന്നെ, ഒപ്പം നിരത്ത് കീഴടക്കി ഡ്രൈവറില്ലാ കാറും; ദുബായ് ഹൈടെക്ക് യുഗത്തിലേക്ക്
നറുക്കെടുപ്പിൽ പേര് വന്നയാളെ പ്രഖ്യാപിച്ചില്ല
വൈസ് പ്രസിഡന്റ് തെരഞ്ഞെടുപ്പിൽ നറുക്കെടുപ്പിലൂടെ പേര് ലഭിച്ച അംഗത്തെ അല്ലാതെ, മറ്റൊരാളെ വരണാധികാരി വൈസ് പ്രസിഡന്റായി പ്രഖ്യാപിച്ചതാണ് ചട്ടലംഘനമായി കണ്ടെത്തിയത്.
ഇത് തെരഞ്ഞെടുപ്പ് ചട്ടങ്ങൾക്ക് വിരുദ്ധമാണെന്ന് കമ്മീഷൻ ഉത്തരവിൽ വ്യക്തമാക്കി.
പഞ്ചായത്തിലെ സീറ്റ് നില
കോട്ടാങ്ങൽ പഞ്ചായത്തിൽ ബിജെപിയും യുഡിഎഫും അഞ്ചു സീറ്റുകൾ വീതം നേടി തുല്യനിലയിൽ, എസ്ഡിപിഐയ്ക്ക് മൂന്ന് സീറ്റുകൾ, സിപിഎമ്മിന് ഒരു സീറ്റ് എന്നിങ്ങനെയാണ് നിലവിലെ കക്ഷിനില.
വീണ്ടും തെരഞ്ഞെടുപ്പ് ജനുവരി 21-ന്
തെരഞ്ഞെടുപ്പ് അസാധുവാക്കിയതോടെ പ്രസിഡന്റ്, വൈസ് പ്രസിഡന്റ് സ്ഥാനങ്ങളിലേക്ക് ജനുവരി 21-ന് വീണ്ടും തെരഞ്ഞെടുപ്പ് നടത്തും എന്ന് സംസ്ഥാന തെരഞ്ഞെടുപ്പ് കമ്മീഷൻ അറിയിച്ചു.
English Summary:
The State Election Commission has annulled the vice-president election of Kottangal grama panchayat in Pathanamthitta, citing violations of election rules. The commission found that the candidate selected through draw of lots was not declared elected, prompting fresh elections for president and vice-president posts on January 21.
