കൊല്ലം: കൊല്ലം കളക്ടറേറ്റ് സ്ഫോടന കേസിൽ മൂന്നു പ്രതികൾ കുറ്റക്കാരെന്ന് കോടതി. നാലാം പ്രതിയെ കോടതി വെറുതെ വിട്ടു. ഒന്ന് മുതൽ 3 വരെയുള്ള പ്രതികളായ അബ്ബാസ് അലി, ഷംസൂൺ കരിം രാജ, ദാവൂദ് സുലൈമാൻ എന്നിവരെയാണ് കുറ്റക്കാരെന്ന് കണ്ടെത്തിയത്. നാലാം പ്രതി ഷംസുദ്ദിനെ കോടതിയെ വെറുതെ വിടുകയായിരുന്നു.(Kollam Collectorate Blast Case verdict; court found three defendants guilty)
2016 ജൂൺ 15നായിരുന്നു സംഭവം. മുന്സിഫ് കോടതിക്കു സമീപം കിടന്ന തൊഴില് വകുപ്പിന്റെ ഉപയോഗിക്കാത്ത ജീപ്പില് ചോറ്റുപാത്രത്തില് ബോംബുവെച്ചാണ് സ്ഫോടനം നടത്തിയത്. കേസിൽ എട്ട് വർഷം ജയിലിൽ കഴിഞ്ഞെന്നും കുറഞ്ഞ ശിക്ഷ നൽകണമെന്നുമാണ് പ്രതികൾ കോടതിയിൽ അപേക്ഷിച്ചത്.
അബ്ബാസ് അലി, ഷംസൂണ് കരിം രാജ, ദാവൂദ് സുലൈമാന്, ഷംസുദ്ദീന് എന്നിവരായിരുന്നു കേസിലെ പ്രതികള്. തമിഴ്നാട് മധുര സ്വദേശികളായ നാലു പ്രതികളും നിരോധിത സംഘടനയായ ബേസ്മൂവ്മെൻ്റിൻ്റെ പ്രവർത്തകരാണ്.
നേരത്തെ ഒക്ടോബർ 29 ന് വിധി പറയാൻ നിശ്ചയിച്ചിരുന്നെങ്കിലും പ്രോസിക്യൂഷൻ സമർപ്പിച്ച തെളിവുകളിലും സാക്ഷിമൊഴികളിലും കോടതി കൂടുതൽ വ്യക്തത തേടുകയായിരുന്നു. വീണ്ടും വാദം കേട്ട ശേഷമാണ് ജില്ലാ പ്രിൻസിപ്പൽ സെഷൻസ് കോടതി ഇന്ന് വിധി പറയാൻ തീരുമാനിച്ചത്.
