കൊച്ചി: മെട്രോ യാത്രക്കാർക്ക് ടിക്കറ്റ് എടുക്കാൻ ഗൂഗിൾ വാലറ്റ് വഴി സൗകര്യമൊരുക്കി കൊച്ചി മെട്രോ. ഇന്ത്യയിൽ തന്നെ ആദ്യമായാണ് മെട്രോ സർവീസ് ഗൂഗിൾ വാലറ്റ് വഴി ഇങ്ങനെ ഒരു സൗകര്യം ഒരുക്കുന്നത്. നഗരഗതാഗത രംഗത്തെ ഡിജിറ്റൽ ചുവടുവെപ്പിൽ പ്രധാനപ്പെട്ടതാണിതെന്ന് കെ എം ആർ എൽ എം ഡി ലോക്നാഥ് ബെഹ്റ പറഞ്ഞു.
ഗൂഗിൾ വാലറ്റ് സേവനം രാജ്യത്ത് ആരംഭിച്ചതിന് തൊട്ടുപിന്നാലെയാണ് കൊച്ചി മെട്രോ യാത്രക്കാർക്കായി പദ്ധതി അവതരിപ്പിച്ചത്. ടിക്കറ്റുകൾ, യാത്രാ പാസുകൾ, ബോർഡിങ് പാസ്, ലോയൽറ്റി കാർഡുകൾ അടക്കമുള്ളവ ഡിജിറ്റൽ രൂപത്തിൽ സൂക്ഷിക്കാനും ഉപയോഗിക്കാനും സൗകര്യമൊരുക്കുന്നതാണ് ഡിജിറ്റൽ വാലറ്റ്. ഗൂഗിളുമായി സഹകരിച്ചാണ് കൊച്ചി മെട്രോ റെയിൽ ടിക്കറ്റുകൾ ഡിജിറ്റൽ രൂപത്തിൽ സേവനമൊരുക്കുന്നത്.
കൊച്ചി പ്രുഡന്റ് ടെക്നോളജീസാണ് സാങ്കേതിത സഹായം നൽകുന്നത്. സാധാരണക്കാർക്കും ഡിജിറ്റൽ വാലറ്റിന്റെ പ്രയോജനം എളുപ്പം മനസിലാകും വിധമാണ് കെ എംആർ എൽ പദ്ധതി തയാറാക്കിയിരിക്കുന്നത്. ടിക്കറ്റ് എടുക്കാനും ക്യാൻസൽ ചെയ്യാനും വാലറ്റിലൂടെ തന്നെ സാധിക്കും.
Read Also: സൈനിക വാഹനത്തിനു മുകളിലേക്ക് കല്ല് പതിച്ച് മലയാളി സൈനികന് ദാരുണാന്ത്യം; മരിച്ചത് ഫറോക്ക് സ്വദേശി
