കൊച്ചി: കമ്മ്യൂണിറ്റി ഹാളിന്റെ സീലിങ് തകർന്നു വീണ് അപകടം. കൊച്ചി ഗിരിനഗറിലാണ് സംഭവം. കുട്ടികളുടെ നൃത്ത പരിപാടി നടക്കുന്ന സമയത്താണ് സീലിങ് തകർന്നു വീണത്.
അപകടത്തിൽ നാല് കുട്ടികൾക്ക് പരിക്കേറ്റു. സീലിങ് തകർന്ന് ഇതിന് താഴെ ഇരിക്കുന്ന ആളുകളുടെ തലയിലേക്ക് വീഴുകയായിരുന്നു. സംഭവ സമയത്ത് പ്രദേശത്ത് ശക്തമായ കാറ്റും മഴയും ഉണ്ടായിരുന്നു.
കുട്ടികളുടെ തലക്കാണ് പരിക്കേറ്റിട്ടുള്ളത്. ആരുടേയും പരിക്ക് ഗുരുതരമല്ലെന്നാണ് വിവരം. തലയ്ക്ക് മുറിവേറ്റ കടവന്ത്ര ജവഹർ നഗറിലെ ജവഹർ ജുവൽ അപ്പാർട്മെന്റ്സിലെ ഷിജോയുടെ മകൾ ദക്ഷ (12), അമ്മ ചിത്ര, പുത്തൻകുരിശ് സ്വദേശി സുനിൽകുമാറിന്റെ മകൾ അമൃത (17) എന്നിവരെ കടവന്ത്ര ഇന്ദിരാഗാന്ധി കോ-ഓപ്പറേറ്റീവ് ആശുപത്രിയിൽ പ്രവേശിപ്പിച്ചു.
കൂടല്മാണിക്യം ക്ഷേത്രത്തിലെ കഴകം; നിയമനം തടഞ്ഞ ഉത്തരവ് ജൂൺ അഞ്ചു വരെ നീട്ടി
കൊച്ചി: കൂടല്മാണിക്യം ക്ഷേത്രത്തിലെ കഴകം തസ്തികയിലേക്കുള്ള നിയമനം തടഞ്ഞ ഉത്തരവ് അടുത്ത മാസം അഞ്ചു വരെ ഹൈക്കോടതി നീട്ടി.
റാങ്കു പട്ടികയില്നിന്നു നിയമനം നടത്തില്ലെന്ന ദേവസ്വത്തിന്റെ ഉറപ്പ് രേഖപ്പെടുത്തി പുറപ്പെടുവിച്ച മുന് ഉത്തരവാണ് ജസ്റ്റീസ് അനില് കെ. നര്രേന്രന്, ജസ്റ്റീസ് പി.വി. ബാലകൃഷ്ണന് എന്നിവരുള്പ്പെട്ട ഡിവിഷന് ബെഞ്ച് ജൂണ് അഞ്ചു വരെ നീട്ടിയത്.
കഴകത്തിന് പാരമ്പര്യാവകാശമുന്നയിച്ച് ഇരി ങ്ങാലക്കുട തേക്കേവാര്യത്ത് ടി.വി. ഹരികൃ ഷ്ണനടക്കം നല്കിയ ഹര്ജിയാണു കോടതിയുടെ പരിഗണനയിലുള്ളത്.
ഒന്നാം പേരുകാരനായ ബി.എ. ബാലു രാജിവ ച്ച ഒഴിവിലേക്കു രണ്ടാമനായ കെ.എസ്. അനുരാഗിനാണു നിയമനം നല്കേണ്ടിയിരുന്നത്. ഹര്ജിയില് അനുരാഗിനെ കക്ഷിചേര്ത്ത കോടതി എതിര് സത്യവാങ്മൂലം നല്കാനും ഉത്തരവിട്ടു.
