കൊച്ചി: മാടവനയില് സ്വകാര്യ ബസ് മറിഞ്ഞുണ്ടായ അപകടത്തില് ഡ്രൈവര് കസ്റ്റഡിയില്. കല്ലട ബസ് ഡ്രൈവർ തമിഴ്നാട് തെങ്കാശി സ്വദേശി പാല്പ്പാണ്ടിയെയാണ് കസ്റ്റഡിയിലെടുത്തത്. അപകടത്തില് പരിക്കേറ്റ പാല്പ്പാണ്ടി ആശുപത്രിയില് ചികിത്സയിലാണ്.(kochi bus accident driver in custody)
ബെംഗളുരുവില് നിന്ന് തിരുവനന്തപുരത്തേക്ക് പോവുകയായിരുന്ന കല്ലട ബസാണ് ഇന്ന് രാവിലെ അപകടത്തില്പ്പെട്ടത്. സംഭവത്തില് ബൈക്ക് യാത്രികനായ ഇടുക്കില് വാഗമണ് സ്വദേശി ജിജോ സെബാസ്റ്റ്യന് മരിച്ചിരുന്നു. ഇടപ്പള്ളി- അരൂര് ദേശീയ പാത ബൈപ്പാസില് വച്ച് ബസ് സിഗ്നല് പോസ്റ്റിലിടിച്ച് ബൈക്കിനു മുകളിലേക്ക് മറിഞ്ഞാണ് അപകടം ഉണ്ടായത്. കൊച്ചിയിലെ വസ്ത്രാലത്തില് ജീവബക്കാരനാണ് മരിച്ച ജിജോ സെബാസ്റ്റ്യന്.
റെഡ് സിഗ്നൽ ആയപ്പോൾ ബസ് പെട്ടെന്ന് ബ്രേക്ക് ഇടുകയായിരുന്നുവെന്ന് ദൃക്സാക്ഷികള് പറയുന്നു. 42 യാത്രക്കാരായിരുന്നു ബസിലുണ്ടായിരുന്നതെന്നാണ് സൂചന. ബസില് സഞ്ചരിച്ച 11 പേരെ തൊട്ടടുത്തുള്ള ലേക്ക് ഷോര് ആശുപത്രിയില് പ്രവേശിപ്പിച്ചു. ഇതില് ആറു പേര് സ്ത്രീകളാണ്. ആരുടെയും പരിക്ക് ഗുരുതരമല്ല. അപകടത്തെ തുടര്ന്ന് ദേശീയ പാതയില് ഏറെ നേരം ഗതാഗതം തടസപ്പെട്ടു.
Read Also: കുറിച്ചി ഇഗ്നാത്തിയോസ് ക്നാനായ പള്ളിയിൽ സംഘര്ഷം; ഒരാള്ക്ക് ഗുരുതര പരിക്ക്
