കോഴിക്കോട്: ലോക്സഭാ തെരഞ്ഞെടുപ്പിനിടെ വടകരയിൽ വിവാദമായ ‘കാഫിര്’ പോസ്റ്റ് ഫേസ്ബുക്കില് നിന്ന് പിന്വലിച്ച് സിപിഐഎം നേതാവും മുന് എംഎല്എയുമായ കെ കെ ലതിക. ഫേസ്ബുക്ക് പ്രൊഫൈലും ലോക്ക് ചെയ്തു. കാഫിര് പോസ്റ്റ് നിര്മിച്ചത് ലീഗ് പ്രവര്ത്തകന് മുഹമ്മദ് കാസിം അല്ലെന്ന് ഹൈക്കോടതിയില് സര്ക്കാര് റിപ്പോര്ട്ട് നല്കിയിരുന്നു.(KK Latika deleted kafir screenshot)
ഫേസ്ബുക്ക് പോസ്റ്റ് വ്യാജമാണെന്ന് പൊലീസ് സ്ഥികരിച്ചിട്ടും സ്ക്രീന്ഷോട്ട് തന്റെ ഫേസ്ബുക്കില് നിന്ന് ലതിക പിന്വലിക്കാത്തതിനെതിരെ ഇന്നലെ യുഡിഎഫ് രംഗത്തുവന്നിരുന്നു. ലതികക്കെതിരെ കേസ് എടുക്കണമെന്ന് യുഡിഎഫ് നേതാക്കള് ആവശ്യപ്പെടുകയും ചെയ്തു. ഇതിന് പിന്നാലെയാണ് സ്ക്രീന്ഷോട്ട് പിന്വലിച്ച് ഫേസ്ബുക്ക് അക്കൗണ്ട് ലോക്ക് ചെയ്തത്.
തെരഞ്ഞെടുപ്പിന്റെ തലേ ദിവസമാണ് കാഫിര് സ്ക്രീന് ഷോട്ട് ഇടത് സൈബര് പേജായ അമ്പാടിമുക്ക് സഖാക്കളിൽ പ്രത്യക്ഷപ്പെട്ടത്. സംഭവം വിവാദമായതോടെ പോസ്റ്റ് അമ്പാടിമുക്ക് സഖാക്കള് ഡിലീറ്റ് ചെയ്തു.
Read Also: ഡ്യൂട്ടിക്കിടെ കെഎസ്ആര്ടിസി ഡ്രൈവർ കുഴഞ്ഞുവീണു മരിച്ചു
Read Also: ഏതൊരു പിതാവും കൊതിച്ചു പോകുന്ന നിമിഷം;ഐഎഎസ് ഓഫീസറായ മകളെ സല്യൂട്ടടിച്ച് എസ്പിയായ പിതാവ്
