ട്രെയിൻ യാത്രക്കാരുടെ ശ്രദ്ധയ്ക്ക്! നാളെ ഈ റൂട്ടിൽ വൻ മാറ്റം: മിക്ക ട്രെയിനുകളും വഴിതിരിച്ചുവിടും;

തിരുവനന്തപുരം: നാളെ ട്രെയിൻ മാർഗ്ഗം യാത്ര ചെയ്യാൻ പ്ലാൻ ചെയ്യുന്നവരാണോ നിങ്ങൾ? എങ്കിൽ ഇതൊന്ന് അറിഞ്ഞിരിക്കണം.

ചെങ്ങന്നൂരിനും മാവേലിക്കരയ്ക്കുമിടയിലുള്ള പാലത്തിന്റെ അറ്റകുറ്റപ്പണികൾ നടക്കുന്നതിനാൽ റെയിൽവേ ഗതാഗതത്തിൽ നാളെ (ശനിയാഴ്ച) വലിയ നിയന്ത്രണങ്ങൾ ഏർപ്പെടുത്തിയിട്ടുണ്ട്.

കൊല്ലം-എറണാകുളം മെമു റദ്ദാക്കിയതിനൊപ്പം എട്ടു പ്രധാന ട്രെയിനുകൾ വഴിതിരിച്ചുവിടുകയും ചെയ്യും.

വഴിതിരിച്ചുവിടുന്ന ട്രെയിനുകൾ (കോട്ടയം ഒഴിവാക്കി ആലപ്പുഴ വഴി)

കോട്ടയം വഴി പോകേണ്ട 8 ട്രെയിനുകൾ നാളെ ആലപ്പുഴ വഴിയായിരിക്കും സർവീസ് നടത്തുക. യാത്രക്കാരുടെ സൗകര്യാർത്ഥം ഇവയ്ക്ക് അധിക സ്റ്റോപ്പുകൾ അനുവദിച്ചിട്ടുണ്ട്.

തിരുവനന്തപുരം – ചെന്നൈ മെയിൽ (12624): സ്റ്റോപ്പുകൾ – ആലപ്പുഴ, ചേർത്തല, എറണാകുളം ജംക്ഷൻ.
മലബാർ എക്സ്പ്രസ് (16629): ഹരിപ്പാട്, അമ്പലപ്പുഴ, ആലപ്പുഴ, ചേർത്തല, എറണാകുളം ജംക്ഷൻ എന്നിവിടങ്ങളിൽ സ്റ്റോപ്പ് ഉണ്ടാകും.
ശ്രീഗംഗാനഗർ എക്സ്പ്രസ് (16312): ആലപ്പുഴ, എറണാകുളം ജംക്ഷൻ.
അമൃത എക്സ്പ്രസ് (16343): ഹരിപ്പാട്, അമ്പലപ്പുഴ, ആലപ്പുഴ, ചേർത്തല, എറണാകുളം ജംക്ഷൻ.
രാജ്യറാണി എക്സ്പ്രസ് (16349): ഹരിപ്പാട്, അമ്പലപ്പുഴ, ആലപ്പുഴ, ചേർത്തല, എറണാകുളം ജംക്ഷൻ.
മംഗളൂരു എക്സ്പ്രസ് (16347): ഹരിപ്പാട്, അമ്പലപ്പുഴ, ആലപ്പുഴ, ചേർത്തല, എറണാകുളം ജംക്ഷൻ.
വിവേക് എക്സ്പ്രസ്, ഹംസഫർ എക്സ്പ്രസ് എന്നിവയും കായംകുളം, ആലപ്പുഴ വഴി സർവീസ് നടത്തും