പെൺസുഹൃത്തിന്റെ ആത്മഹത്യയ്ക്ക് പിന്നാലെ പൊലീസുകാരൻ ജീവനൊടുക്കി; തിരുവനന്തപുരം സ്വദേശി അഖിൽ മരിച്ചു
തിരുവനന്തപുരം: പെൺസുഹൃത്തിന്റെ ആത്മഹത്യാ വാർത്ത താങ്ങാനാകാതെ യുവ സിവിൽ പൊലീസ് ഓഫീസർ വീടിനുള്ളിൽ തൂങ്ങി മരിച്ചു.
കോവളം വെള്ളാർ സ്വദേശി അഖിൽ (27) ആണ് മരിച്ചത്. തിരുവനന്തപുരം എആർ ക്യാമ്പിൽ സേവനമനുഷ്ഠിച്ചിരുന്ന അഖിൽ രണ്ടര വർഷം മുൻപാണ് പൊലീസ് സർവീസിൽ പ്രവേശിച്ചത്.
സ്ത്രീ വേഷത്തിലെത്തി വീട്ടമ്മയെ ആക്രമിച്ച് സ്വർണാഭരണങ്ങൾ കവർന്ന അയൽവാസി പിടിയിൽ
സുഹൃത്തിന്റെ മരണം, പിന്നാലെ മാനസിക സംഘർഷം
വയനാട് സ്വദേശിനിയായ യുവതി പഠനാവശ്യത്തിനായി തിരുവനന്തപുരത്ത് താമസിക്കവെയാണ് അഖിലുമായി അടുത്ത സൗഹൃദത്തിലായത്.
യുവതി സുഹൃത്തുക്കളോടൊപ്പം താമസിച്ചിരുന്ന വാടകവീട്ടിൽ കഴിഞ്ഞ ദിവസം രാത്രി ആത്മഹത്യ ചെയ്തു.
മരണവിവരം അറിഞ്ഞ അഖിൽ തലസ്ഥാനത്തെ സ്വകാര്യ ആശുപത്രിയിൽ എത്തി യുവതിയുടെ മൃതദേഹം കാണുകയും ചെയ്തു.
വീട്ടിലെത്തി മണിക്കൂറുകൾക്കകം ആത്മഹത്യ
യുവതിയുടെ മൃതദേഹം കണ്ട ശേഷം അഖിൽ രാത്രി 12.30-ഓടെ വീട്ടിലെത്തി. പൊലീസ് ക്യാമ്പിലേക്ക് പോകുന്നുവെന്ന് പറഞ്ഞ് പുറത്തിറങ്ങിയെങ്കിലും ഒരു മണിക്കൂറിനുള്ളിൽ തിരികെ വീട്ടിലെത്തിയത് അമ്മ ശ്രദ്ധിച്ചിരുന്നു.
എന്നാൽ വ്യക്തമായ മറുപടി ലഭിച്ചില്ലെന്ന് ബന്ധുക്കൾ പറഞ്ഞു. തുടർന്ന് രാത്രി രണ്ടരയോടെ സുഹൃത്തിന് വാട്സ്ആപ്പിൽ ചില വ്യക്തിപരമായ സന്ദേശങ്ങൾ അയച്ച ശേഷമാണ് ആത്മഹത്യ ചെയ്തതെന്ന് പൊലീസ് പറയുന്നു.
രാവിലെ കണ്ടെത്തിയത് ദാരുണ ദൃശ്യം
രാവിലെ കാപ്പി തയ്യാറാക്കിയ ശേഷം അമ്മ വിളിച്ചെങ്കിലും മുറിയിൽ നിന്ന് പ്രതികരണമുണ്ടായില്ല.
തുടർന്ന് വാതിൽ തുറന്നുനോക്കിയപ്പോഴാണ് കിടപ്പുമുറിയിലെ ഫാനിൽ ബെഡ്ഷീറ്റ് ഉപയോഗിച്ച് കെട്ടിത്തൂങ്ങിയ നിലയിൽ മൃതദേഹം കണ്ടെത്തിയത്.
സംസ്കാരം നടത്തി
മെഡിക്കൽ കോളേജ് ആശുപത്രിയിൽ പോസ്റ്റ്മോർട്ടം പൂർത്തിയാക്കിയ ശേഷം മൃതദേഹം ബന്ധുക്കൾക്ക് വിട്ടുനൽകി.
എആർ ക്യാമ്പിൽ പൊതുദർശനത്തിന് ശേഷം അഖിലിന്റെ സംസ്കാരം നടത്തി.
English Summary:
A 27-year-old civil police officer, Akhil, died by suicide at his residence in Thiruvananthapuram. Earlier that night, he returned home after visiting a private hospital, where he saw the body of his close woman friend who had taken her own life. Following this, family members noticed that Akhil appeared deeply disturbed. Subsequently, he sent messages to a friend about personal matters. The next morning, relatives found him hanging inside his bedroom. After doctors completed the post-mortem examination, authorities handed over the body to the family, and later, officials cremated it after public homage at the AR Camp.
