49 കാരനെ മർദിച്ച് ദുബായിലേക്ക് മുങ്ങി; ലുക്ക് ഔട്ട് നോട്ടീസ് അറിയാതെ നാട്ടിലെത്തി — നെടുമ്പാശ്ശേരിയിൽ പിടിയിൽ
തൃശൂർ: യുവാവിനെ ആക്രമിച്ച് ഗുരുതരമായി പരിക്കേൽപ്പിച്ച ശേഷം വിദേശത്തേക്ക് കടന്ന പ്രതിയെ ലുക്ക് ഔട്ട് സർക്യുലറിന്റെ അടിസ്ഥാനത്തിൽ നെടുമ്പാശ്ശേരി അന്താരാഷ്ട്ര വിമാനത്താവളത്തിൽ നിന്ന് പോലീസ് അറസ്റ്റ് ചെയ്തു.
പ്രതി തിരിച്ചറിയൽ
വള്ളിവട്ടം കരൂപടന്ന സ്വദേശി കൊമ്പനേഴത്ത് വീട്ടിൽ മുഹമ്മദ് (29) ആണ് അറസ്റ്റിലായത്.
തൃശൂർ റൂറൽ ജില്ലാ പോലീസ് മേധാവിയുടെ നേതൃത്വത്തിലുള്ള സംഘമാണ് ഇയാളെ പിടികൂടിയത്.
ആശുപത്രി കിടക്കയിലും ഓഫീസ് മീറ്റിംഗ്; കോർപ്പറേറ്റ് സംസ്കാരത്തിനെതിരെ കടുത്ത വിമർശനം
കേസിന്റെ പശ്ചാത്തലം
2015 മെയ് 31നായിരുന്നു കേസിനാസ്പദമായ സംഭവം. കരൂപടന്നയിലെ പുഴവക്കിലേക്കുള്ള റോഡ് തന്റെതാണെന്ന് അവകാശപ്പെട്ട് അതുവഴി നടന്നുപോയ യുവാവിനെ മുഹമ്മദ് ആക്രമിച്ചു.
ഇത് തടയാൻ ശ്രമിച്ച യുവാവിന്റെ അമ്മാവനായ തെക്കുംകര വില്ലേജ് കരൂപടന്ന സ്വദേശി മയ്യാക്കാരൻ വീട്ടിൽ ബഷീർ (49) എന്നിവരെ പ്രതി അസഭ്യം പറയുകയും മർദിച്ച് പരിക്കേൽപ്പിക്കുകയും ചെയ്തു.
വിദേശത്തേക്ക് കടന്നത്
കേസിൽ അറസ്റ്റിലായി പിന്നീട് ജാമ്യം നേടിയ പ്രതി, വിചാരണയ്ക്ക് ഹാജരാകാതെ ഒളിവിൽ പോയതോടെയാണ് പോലീസ് ലുക്ക് ഔട്ട് സർക്യുലർ പുറപ്പെടുവിച്ചത്.
തുടർന്ന് മുഹമ്മദ് ദുബായിലേക്ക് കടന്നിരുന്നു.
വിമാനത്താവളത്തിൽ കുടുങ്ങി
ദുബായിൽ നിന്ന് നാട്ടിലേക്ക് മടങ്ങുന്നതിനിടെയാണ് നെടുമ്പാശ്ശേരി വിമാനത്താവളത്തിൽ വെച്ച് എമിഗ്രേഷൻ ഉദ്യോഗസ്ഥർ പ്രതിയെ തടഞ്ഞത്.
വിവരം തൃശൂർ റൂറൽ ജില്ലാ പോലീസ് മേധാവിയെ അറിയിച്ചതിനെ തുടർന്ന് പ്രത്യേക അന്വേഷണ സംഘം സ്ഥലത്തെത്തി പ്രതിയെ കസ്റ്റഡിയിൽ എടുത്തു.
തുടർനടപടികൾ
പ്രതിയെ ഇരിങ്ങാലക്കുട പോലീസ് സ്റ്റേഷനിൽ എത്തിച്ച ശേഷം നിയമനടപടികൾ പൂർത്തിയാക്കി കോടതിയിൽ ഹാജരാക്കും.
അന്വേഷണ സംഘം
ഇരിങ്ങാലക്കുട പോലീസ് സ്റ്റേഷൻ എസ്.എച്ച്.ഒ ഷാജി എം.കെ, ജി.എസ്.ഐ രാജു കെ.പി, ജി.എസ്. സി.പി.ഒമാരായ കൃഷ്ണദാസ്, സുജിത്ത് എന്നിവരാണ് അന്വേഷണ സംഘത്തിലുണ്ടായിരുന്നത്.
English Summary:
A 29-year-old man from Thrissur, who assaulted a 49-year-old and later fled to Dubai, was arrested at Kochi International Airport based on a Look Out Circular. The accused had absconded after securing bail in a 2015 assault case and was detained by immigration officials while returning from Dubai.
