മാങ്കൂട്ടത്തിലിന് നിർണായകം; ആദ്യ ബലാത്സംഗക്കേസിലെ മുൻകൂർ ജാമ്യാപേക്ഷ ഇന്ന് പരിഗണിക്കും
കൊച്ചി: ബലാത്സംഗക്കേസിൽ രാഹുൽ മാങ്കൂട്ടത്തിൽ എംഎൽഎ നൽകിയ മുൻകൂർ ജാമ്യാപേക്ഷ ഇന്ന് ഹൈക്കോടതി പരിഗണിക്കും.
തിരുവനന്തപുരം സെഷൻസ് കോടതി ജാമ്യാപേക്ഷ തള്ളിയതിനെ തുടർന്നാണ് രാഹുൽ ഹൈക്കോടതിയെ സമീപിച്ചത്. ജസ്റ്റിസ് കെ. ബാബുവിന്റെ ബെഞ്ചാണ് ഹർജിയിൽ വിശദമായ വാദം കേൾക്കുന്നത്.
ഹർജിയിൽ അന്തിമതീർപ്പാകുന്നതുവരെ രാഹുലിനെ അറസ്റ്റ് ചെയ്യരുതെന്ന് ഉത്തരവിട്ട് കോടതി ഇടക്കാല സംരക്ഷണം നൽകിയിരുന്നു. ഈ ഇടക്കാല ഉത്തരവ് ഇന്നുവരെ നീട്ടിയ നിലയിലാണ്.
പരാതിക്കാരിയുമായി ഉഭയസമ്മതപ്രകാരമുള്ള ബന്ധമാണ് ഉണ്ടായിരുന്നതെന്നും, രാഷ്ട്രീയ വൈരാഗ്യമാണ് കേസിന് പിന്നിലെന്നുമാണ് രാഹുലിന്റെ വാദം.
എന്നാൽ ലൈംഗികാതിക്രമത്തിനും നിർബന്ധിത ഗർഭഛിദ്രത്തിനും രാഹുൽ മുതിർന്നുവെന്നും, ഇത് തെളിയിക്കുന്ന മതിയായ രേഖകളും സാക്ഷ്യങ്ങളും നിലവിലുണ്ടെന്നുമാണ് പ്രോസിക്യൂഷന്റെ നിലപാട്.
കേസ് ഡയറിയും അന്വേഷണ പുരോഗതി സംബന്ധിച്ച റിപ്പോർട്ടും പൊലീസ് ഇന്ന് കോടതിയിൽ ഹാജരാക്കിയേക്കും.
അതേസമയം, രാഹുലിനെതിരായ മറ്റൊരു ബലാത്സംഗക്കേസിൽ തിരുവനന്തപുരം സെഷൻസ് കോടതി നേരത്തെ മുൻകൂർ ജാമ്യം അനുവദിച്ചിരുന്നു.
ഇതിനെതിരെ സംസ്ഥാന സർക്കാർ നൽകിയ അപ്പീൽ ഇപ്പോൾ ഹൈക്കോടതിയുടെ പരിഗണനയിലാണ്.
ഇന്നത്തെ വാദം പൂർത്തിയായ ശേഷം ഹൈക്കോടതി മുൻകൂർ ജാമ്യം തള്ളുകയാണെങ്കിൽ, രാഹുൽ മാങ്കൂട്ടത്തിലിനെ അറസ്റ്റ് ചെയ്യാനുള്ള നടപടികളിലേക്ക് പൊലീസ് കടക്കാൻ സാധ്യതയുണ്ട്.
കേസുകളുടെ പശ്ചാത്തലത്തിൽ കോൺഗ്രസ് പാർട്ടി രാഹുലിനെ പ്രാഥമികാംഗത്വത്തിൽ നിന്ന് പുറത്താക്കിയിരുന്നു.
ബംഗളൂരുവിലെ മലയാളി യുവതിയെ മാനഭംഗപ്പെടുത്തിയ കേസിൽ മുൻകൂർ ജാമ്യം അനുവദിച്ചതിനെതിരെ സർക്കാർ നൽകിയ അപ്പീൽ ക്രിസ്മസ് അവധിക്കുശേഷം പരിഗണിക്കാനാണ് ഹൈക്കോടതി മാറ്റിയിരിക്കുന്നത്.
മറുപടി സമർപ്പിക്കാൻ രാഹുലിന് സമയം അനുവദിച്ചുകൊണ്ടാണ് ജസ്റ്റിസ് വിജു എബ്രഹാമിന്റെ ഉത്തരവ്.
English Summary
മുഖ്യമന്ത്രിക്ക് ലഭിച്ച പരാതിയെ തുടർന്നാണ് രാഹുലിനെതിരെ ആദ്യ കേസ് രജിസ്റ്റർ ചെയ്തതെന്നും, കെപിസിസി പ്രസിഡന്റിന് ലഭിച്ച പരാതിയിലാണ് രണ്ടാം കേസെന്നും പൊലീസ് വ്യക്തമാക്കി.
The Kerala High Court will hear the anticipatory bail plea of MLA Rahul Mankootathil in a rape case today. After the Thiruvananthapuram Sessions Court rejected his plea, Rahul approached the High Court, which had earlier granted interim protection from arrest. While Rahul claims the relationship was consensual and politically motivated allegations were raised against him, the prosecution argues there is strong evidence of sexual assault and forced abortion. Police may submit the case diary and investigation report today. Related appeals in other cases against Rahul are also pending before the High Court.
Kerala HC to Hear Rahul Mankootathil’s Anticipatory Bail Plea in Rape Case Today
Rahul Mankootathil, anticipatory bail, rape case, Kerala High Court, Justice K Babu, Thiruvananthapuram Sessions Court, Congress MLA, sexual assault allegations, forced abortion, police investigation, government appeal
