മഴ മാറും മുമ്പേ മഞ്ഞുകാലം തുടങ്ങി
തിരുവനന്തപുരം: മഴ പൂർണമായി നിലച്ചിട്ടില്ലെങ്കിലും സംസ്ഥാനത്ത് അതിരാവിലെ തണുപ്പ് ശക്തമായി അനുഭവപ്പെടുന്നു.
സീസണിലെ ഏറ്റവും കുറഞ്ഞ താപനില മൂന്നാറിൽ രേഖപ്പെടുത്തി. ഇന്നലെ പുലർച്ചെ മൂന്നാറിൽ താപനില 6.2 ഡിഗ്രി സെൽഷ്യസിലേക്ക് താഴ്ന്നു.
സമീപത്തുള്ള കുണ്ടല ഡാമിലും സമാനമായ സാഹചര്യമാണ്; ഇവിടെ 6.9 ഡിഗ്രി സെൽഷ്യസ് രേഖപ്പെടുത്തി.
തുടർച്ചയായി പത്തു ഡിഗ്രിക്ക് താഴെതാപനില അനുഭവപ്പെടുന്നതോടെ മൂന്നാറിലേക്കുള്ള സഞ്ചാരികളുടെ വരവ് കൂടി.
ഇടുക്കി, വയനാട് ജില്ലകൾക്കൊപ്പം പത്തനംതിട്ട, തിരുവനന്തപുരം, പാലക്കാട് ജില്ലകളിലെ മലയോരപ്രദേശങ്ങളിലും 20 ഡിഗ്രി സെൽഷ്യസിന് താഴെ താപനില രേഖപ്പെടുത്തി.
ശബരിമലയിൽ രാത്രി താപനില 17 ഡിഗ്രി, പകൽ 28 ഡിഗ്രി ആയിരുന്നു. ഡിസംബറോടെ തണുപ്പ് കൂടുതൽ ശക്തമാകുമെന്ന് പ്രവചനം.
വയനാട്ടിൽ പതിവായി നവംബർ അവസാനം മുതലാണ് പുലരികൾ മഞ്ഞുകൊണ്ട് മൂടാറ്. എന്നാൽ ഇത്തവണ നവംബർ ആദ്യവാരത്തിൽ തന്നെ മഞ്ഞ് വീഴ്ച രേഖപ്പെട്ടു.
കഴിഞ്ഞ ദിവസങ്ങളിൽ ജില്ലയിലെ കുറഞ്ഞ താപനില 18–22 ഡിഗ്രി വരെയായിരുന്നു. കഴിഞ്ഞ വർഷം നവംബറിൽ കുറഞ്ഞ താപനില 17–19 ഡിഗ്രിയും കൂടിയത് 22–29 ഡിഗ്രി സെൽഷ്യസും ആയിരുന്നു.
English Summary
Kerala is experiencing colder early mornings despite ongoing rains. The season’s lowest temperature was recorded in Munnar at 6.2°C, while Kundala Dam reported 6.9°C. With temperatures consistently below 10°C, tourist inflow to Munnar has increased.
Hill regions of Idukki, Wayanad, Pathanamthitta, Thiruvananthapuram, and Palakkad recorded temperatures below 20°C. At Sabarimala, the temperature dipped to 17°C at night and rose to 28°C during the day. Wayanad experienced mist earlier than usual this year, with recent temperatures ranging between 18–22°C.
kerala-cold-wave-munnar-temperature-drop
Kerala Weather, Munnar Cold, Temperature Drop, Winter Season, Wayanad Mist, Sabarimala Weather, Idukki, Cold Wave
