കൊച്ചി: കേരള ബ്ലാസ്റ്റേഴ്സിന്റെ സഹ പരിശീലകന് ഫ്രാങ്ക് ഡോവന്‍ ക്ലബ്ബ് വിട്ടു. ബ്ലാസ്റ്റേഴ്സിന്റെ കോച്ച് സ്ഥാനത്ത് നിന്ന് ഇവാൻ വുകോമനോവിച്ച് പടിയിറങ്ങിയതിന് പിന്നാലെയാണ് ഫ്രാങ്ക് ഡോവനും ക്ലബ് വിട്ടത്. കേരള ബ്ലാസ്റ്റേഴ്സ് തന്നെയാണ് ഇക്കാര്യം ഔദ്യോഗികമായി സ്ഥിരീകരിച്ചത്. ഏതാനും ദിവസങ്ങള്‍ക്ക് മുൻപ് ബ്ലാസ്റ്റേഴ്സിന്റെ മുഖ്യപരിശീലകനായി സ്വീഡിഷ് പരിശീലകന് മിക്കേല്‍ സ്റ്റാറേയെ നിയമിച്ചിരുന്നു.
ബെല്‍ജിയന്‍ പരിശീലകനായ ഫ്രാങ്ക് ഡോവന്‍ 2022 ഓഗസ്റ്റ് നാലിനാണ് കേരള ബ്ലാസ്റ്റേഴ്സിന്റെ സഹ പരിശീലക സ്ഥാനത്തെത്തുന്നത്. ഡോവന്റെ സേവനങ്ങള്‍ക്ക് നന്ദി പറഞ്ഞ ക്ലബ്ബ് അദ്ദേഹത്തിന്റെ ഭാവിക്ക് ആശംസകള്‍ നേരുകയും ചെയ്തു. ഏപ്രില്‍ 26നാണ് കേരള ബ്ലാസ്റ്റേഴ്‌സും കോച്ച് ഇവാന്‍ വുകോമനോവിച്ചും പരസ്പര ധാരണയോടെ വേര്‍പിരിഞ്ഞത്. 2026 വരെയാണ് പുതിയ പരിശീലകനായ സ്റ്റാറേയുമായി ബ്ലാസ്റ്റേഴ്സ് കരാര്‍ ഒപ്പുവെച്ചിരിക്കുന്നത്.
Read Also: ഈയ്യാംപാറ്റകളുടെ ശല്യം തുടങ്ങി; തുരത്താനുണ്ട് മാർഗങ്ങൾ
Read Also: കേരളത്തിൽ ഒരിക്കലും നടക്കാനിടയില്ലാത്ത കാര്യം; ഡി കെ ശിവകുമാറിന്റെ ആരോപണം തള്ളി ദേവസ്വം മന്ത്രി
