ശരീരം തളർന്നാൽ നടക്കാനും ഇനി എ.ഐ
തിരുവനന്തപുരം: പക്ഷാഘാതം, അപകടം തുടങ്ങിയവ മൂലം ശരീരശേഷി നഷ്ടപ്പെട്ടവർക്ക് വീണ്ടും നടക്കാനുള്ള പ്രതീക്ഷ നൽകുന്ന നവീന സാങ്കേതികവിദ്യയുമായി മലയാളി യുവാക്കൾ.
നട്ടെല്ലിന്റെ സഹായത്തോടെയും ആർട്ടിഫിഷ്യൽ ഇന്റലിജൻസ് (എ.ഐ) സംവിധാനത്തിന്റെയും പിന്തുണയോടെ രോഗിയുടെ ചിന്തയ്ക്കനുസരിച്ച് കൈയും കാലും ചലിക്കാനുള്ള എക്സോ സ്കെൽട്ടൺ വികസിപ്പിച്ചിരിക്കുകയാണ് സ്റ്റാർട്ടപ്പായ ഇന്നോഡോട്സ് ഇന്നൊവേഷൻസ്.
‘എക്സോബോണിക്’ എന്ന പേരിൽ പുറത്തിറക്കിയ ഈ ഉപകരണം മലേഷ്യയിൽ നടന്ന IIC ഏഷ്യ-പസഫിക് ഇന്നോവേഷൻ ചലഞ്ച് മത്സരത്തിൽ AI for Social Impact വിഭാഗത്തിൽ മൂന്നാം സ്ഥാനവും നേടി.
കൈ, കാൽ, നടുവ് എന്നിവക്ക് ചലനശേഷി നൽകുന്ന രീതിയിലാണ് ഈ എക്സോ സ്കെൽട്ടൺ പ്രവർത്തിക്കുന്നത്.
രോഗിയുടെ തലച്ചോറിലെ ഇ.ഇ.ജി (EEG) തരംഗങ്ങളും മാംസപേശികളിലെ ഇ.എം.ജി (EMG) സിഗ്നലുകളും ശേഖരിച്ചു വിശകലനം ചെയ്ത് പ്രോഗ്രാമാക്കിയ പ്രത്യേക ചിപ്പ് ഉപയോഗിച്ചാണ് ഉപകരണം പ്രവർത്തിക്കുന്നത്.
കടയ്ക്കൽ കിംസാറ്റ് ആശുപത്രിയുടെ സഹകരണത്തോടെയായിരുന്നു വികസനം.
ചലനസൂചന ലഭിക്കുമ്പോൾ യന്ത്രത്തിൽ നിന്നുള്ള വായു മർദ്ദം രോഗിയുടെ ശരീരത്തിൽ സമ്മർദ്ദം സൃഷ്ടിച്ച് ചലനം സാധ്യമാക്കും.
ഈ പദ്ധതിയുടെ മുഖ്യശില്പിയാണ് കൊല്ലം സ്വദേശിയായ അലൻ സിന്ധു ദിൻഷ. സംഘത്തിൽ അൽ ഇംതിയാസ്, എസ്. അരുൺ അരവിന്ദാക്ഷൻ, അക്ഷയ് ബി, ടോം സാം മാത്യു എന്നിവർ പങ്കെടുത്തു.
അലന്റെ അച്ഛൻ ബൈക്കപകടത്തിൽപ്പെട്ട് രണ്ടുവർഷം കിടപ്പിലായ അനുഭവമാണ് ഈ ആശയത്തിന് പ്രചോദനമായത്.
വിശേഷതകൾ:
ചെലവ് ഏകദേശം ₹6 ലക്ഷം.
പരമാവധി 80 കിലോ ഭാരമുള്ളവർക്ക് ഉപയോഗിക്കാം.
നിരന്തര പരിശീലനം മൂലം രോഗിക്ക് ചലനശേഷി വീണ്ടെടുക്കാം.
English Summary:
A group of young innovators from Kerala developed an AI-powered exoskeleton named Exobonic that allows paralyzed or mobility-impaired patients to walk using their brain signals. The startup, Innodots Innovations, founded by Alan Sindhu Dinsha, created the device with support from KIMSAT Hospital, Kadakkal. The system interprets EEG and EMG signals through an AI program to move limbs according to the user’s thoughts. The innovation won third place in the IIC Asia-Pacific Innovation Challenge under the AI for Social Impact category. The device costs around ₹6 lakh and can support users weighing up to 80 kg. Alan was inspired to create it after his father became paralyzed following a bike accident.
AI, health technology, Kerala innovation, exoskeleton, paralysis treatment, startup, rehabilitation
