അവധികളുടെ നീണ്ടനിര വരുന്നു:പ്ലാനുകൾ ആരംഭിക്കൂ! സർക്കാർ പട്ടിക പുറത്തിറങ്ങി

അവധികളുടെ നീണ്ടനിര വരുന്നു:പ്ലാനുകൾ ആരംഭിക്കൂ! സർക്കാർ പട്ടിക പുറത്തിറങ്ങി

തിരുവനന്തപുരം: 2026-ലെ കേരളത്തിലെ പൊതുഅവധി ദിനങ്ങളുടെ അന്തിമ പട്ടിക മന്ത്രിസഭ അംഗീകരിച്ചു.

പൊതു അവധികളോടൊപ്പം നെഗോഷ്യബിള്‍ ഇന്‍സ്ട്രുമെന്റ് ആക്ട് (NI Act) പ്രകാരമുള്ള അവധികളും ഇതിൽ ഉൾപ്പെടുത്തിയിട്ടുണ്ട്.

പ്രത്യേകമായി, ക്രിസ്ത്യൻ സമൂഹത്തിനും ബാങ്കിംഗ് മേഖലയ്ക്കും സുപ്രധാനമായ പെസഹാ വ്യാഴം ഈ വർഷത്തെ NI Act അവധി പട്ടികയിൽ ഉൾപ്പെടുത്തിയതാണ് ശ്രദ്ധേയമായ മാറ്റം.

തൊഴിൽ നിയമങ്ങൾക്കു കീഴിൽ പ്രവർത്തിക്കുന്ന സ്ഥാപനങ്ങൾക്ക് കേരള ഇൻഡസ്ട്രിയൽ എസ്റ്റാബ്ലിഷ്‌മെന്റ് (നാഷണൽ ആൻഡ് ഫെസ്റ്റിവൽ ഹോളിഡേയ്സ്) നിയമം 1958 പ്രകാരമുള്ള അവധികളേ ബാധകമായിരിക്കു.

അതിനിടെ, ന്യൂഡൽഹി ഉൾപ്പെടെയുള്ള സംസ്ഥാന സർക്കാർ ഓഫീസുകൾക്കും പൊതുമേഖലാ സ്ഥാപനങ്ങൾക്കും മാർച്ച് 4-ന് അവധി പ്രഖ്യാപിച്ചു.

NI Act പ്രകാരമുള്ള അവധി പട്ടികയിൽ 22 ദിവസങ്ങളാണുള്ളത്. ഇവയിൽ മൂന്ന് ദിവസങ്ങൾ ഞായറാഴ്ചയിലേക്ക് വീഴുന്നതിനാൽ പട്ടികയിൽ ഉൾപ്പെടുത്തപ്പെട്ടിട്ടുണ്ടെങ്കിലും പ്രത്യേക അവധി ആനുകൂല്യം ലഭിക്കില്ല.

ഫെബ്രുവരി 15 മഹാശിവരാത്രി, ഏപ്രിൽ 5 ഈസ്റ്റർ, നവംബർ 8 ദീപാവലി എന്നിവ ഞായറാഴ്ച വരുന്നതിനാൽ പൊതു അവധി പട്ടികയിൽ ഉൾപ്പെടുത്തിയിട്ടില്ല.

2026 ലെ പ്രധാന പൊതുഅവധികൾ:

ജനുവരി 2 മന്നം ജയന്തി, ജനുവരി 26 റിപ്പബ്ലിക് ദിനം, മാർച്ച് 20 ഈദുല്‍ ഫിതർ, ഏപ്രിൽ 2 പെസഹാ വ്യാഴം, ഏപ്രിൽ 3 ദുഃഖവെള്ളി, ഏപ്രിൽ 14 അംബേദ്കർ ജയന്തി, ഏപ്രിൽ 15 വിഷു, മെയ് 1 തൊഴിൽ ദിനം, മെയ് 27 ബക്രീദ്, ജൂൺ 25 മുഹറം, ഓഗസ്റ്റ് 12 കര്‍ക്കടകവാവ്, ഓഗസ്റ്റ് 15 സ്വാതന്ത്ര്യദിനം, ഓഗസ്റ്റ് 25 ഒന്നാം ഓണം/നബിദിനം, ഓഗസ്റ്റ് 26 തിരുവോണം, ഓഗസ്റ്റ് 27 മൂന്നാം ഓണം, ഓഗസ്റ്റ് 28 നാലാം ഓണം/ശ്രീനാരായണ ഗുരു ജയന്തി/അയ്യങ്കാളി ജയന്തി, സെപ്റ്റംബർ 4 ശ്രീകൃഷ്ണ ജയന്തി, സെപ്റ്റംബർ 21 ശ്രീനാരായണ ഗുരു സമാധി ദിനം, ഒക്ടോബർ 2 ഗാന്ധി ജയന്തി, ഒക്ടോബർ 20 മഹാനവമി, ഒക്ടോബർ 21 വിജയദശമി, ഡിസംബർ 25 ക്രിസ്മസ്.

ശബരിമല മണ്ഡല‐മകരവിളക്ക് : തീർഥാടകർക്ക് ടോപ് ലെവൽ സുരക്ഷ–സൗകര്യങ്ങൾ; ഒരുക്കങ്ങൾ ദ്രുതഗതിയിൽ

നിഗോഷ്യബിള്‍ ഇൻസ്ട്രുമെന്റ് ആക്ട് അവധികൾ:

ജനുവരി 2, ജനുവരി 26, മാർച്ച് 20, ഏപ്രിൽ 1, ഏപ്രിൽ 3, ഏപ്രിൽ 14, ഏപ്രിൽ 15, മെയ് 1, മെയ് 27, ഓഗസ്റ്റ് 15, ഓഗസ്റ്റ് 25, ഓഗസ്റ്റ് 26, ഓഗസ്റ്റ് 28, സെപ്റ്റംബർ 4, സെപ്റ്റംബർ 21, ഒക്ടോബർ 2, ഒക്ടോബർ 20, ഒക്ടോബർ 21, ഡിസംബർ 25.

നിയന്ത്രിത അവധി:

മാർച്ച് 4 അയ്യാ വൈകുണ്ഠസ്വാമി ജയന്തി, ഓഗസ്റ്റ് 28 ആവണി അവിട്ടം, സെപ്റ്റംബർ 17 വിശ്വകർമ ദിനം.