വീട്ടുകാരെ പൂട്ടിയിട്ട് നൈറ്റ് ഡ്രൈവ്; 14-കാരൻ ഓടിച്ച കാർ കുഴിയിലേക്ക് മറിഞ്ഞു, സംഭവം കരമനയിൽ
തിരുവനന്തപുരം: തിരുവനന്തപുരം കരമനയിൽ വീട്ടുകാരെ പൂട്ടിയിട്ട് നൈറ്റ് ഡ്രൈവിന് ഇറങ്ങിയ പ്രായപൂർത്തിയാകാത്ത വിദ്യാർത്ഥി ഓടിച്ച കാർ അപകടത്തിൽപ്പെട്ടു.
മാതാപിതാക്കൾ ഉറങ്ങിക്കിടന്നപ്പോൾ മുറി പൂട്ടിയിട്ട് 14-കാരൻ കാർ എടുത്തിറങ്ങിയതായാണ് വിവരം.
സഹപാഠിയുമായി നൈറ്റ് ഡ്രൈവ്
തൊട്ടടുത്ത വീട്ടിലെ സുഹൃത്തിനെയും വിളിച്ചാണ് വിദ്യാർത്ഥി രാത്രി ഡ്രൈവിന് ഇറങ്ങിയത്. പുലർച്ചെ രണ്ട് മണിയോടെയാണ് സംഭവം.
നിയന്ത്രണം വിട്ട കാർ തലകീഴായി
കരമന നീറമൺകരയിൽ ദേശീയപാതയിൽ എത്തുമ്പോൾ വാഹനം നിയന്ത്രണം വിട്ട് ഒരു വീടിന് സമീപത്തെ താഴ്ചയിലേക്ക് തലകീഴായി മറിഞ്ഞു.
ആശുപത്രിയിൽ പ്രവേശനം
പൊലീസ് സ്ഥലത്തെത്തി രണ്ട് വിദ്യാർത്ഥികളെയും സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു. ഇരുവരുടെയും പരിക്ക് ഗുരുതരമല്ല.
അച്ഛനെതിരെ കേസ്
വാഹനത്തിന്റെ ആർസി ഉടമയായ അച്ഛനെതിരെ പൊലീസ് കേസെടുത്തിട്ടുണ്ട്.
English Summary:
A 14-year-old boy in Karamana, Thiruvananthapuram, met with an accident after secretly taking his parents’ car for a late-night drive with a friend. The car overturned into a roadside ditch around 2 am after losing control near Neeramankara. Both minors sustained minor injuries and were hospitalised. Police have registered a case against the vehicle’s registered owner, the boy’s father.
