കാഞ്ഞിരപ്പള്ളി രൂപത ബൈബിൾ കൺവെൻഷൻ: കട്ടപ്പനയിൽ പന്തൽ കാൽനാട്ട്; ഒരുക്കങ്ങൾ അവസാനഘട്ടത്തിൽ
ഇടുക്കി: കട്ടപ്പനയിൽ നടക്കുന്ന കാഞ്ഞിരപ്പള്ളി രൂപത ബൈബിൾ കൺവെൻഷന്റെ ഭാഗമായി ‘കൃപാഭിഷേകം 2025’ എന്ന പേരിൽ സെന്റ് ജോർജ് ഫെറോനാ പള്ളി ഗ്രൗണ്ടിൽ നിർമ്മിക്കുന്ന വലിയ പന്തലിന്റെ കാൽനാട്ട് കർമ്മം നടന്നു.
ഡിസംബർ 10–14 വരെ വചന പ്രഘോഷണവും ശുശ്രൂഷകളും
2025 ഡിസംബർ 10 മുതൽ 14 വരെ നടക്കുന്ന കൺവെൻഷന് അനക്കര മരിയൻ ധ്യാനകേന്ദ്ര ഡയറക്ടർ റവ. ഫാ. ഡോമിനിക് വാളന്മനാൽ നേതൃത്വം നൽകും.
വൈകുന്നേരം 4 മുതൽ രാത്രി 9 വരെയാണ് ശുശ്രൂഷകൾ — ജപമാല, വചനപ്രഘോഷണം, വി.കുർബാന, ദിവ്യകാരുണ്യ ആരാധന എന്നിവയും ഉണ്ടായിരിക്കും.
പോക്സോ ഉൾപ്പെടെ നിരവധി കേസുകളിൽ പ്രതി; കട്ടപ്പനയിൽ പൊലീസ് പിടികൂടി
സീനിയർ വൈദികരുടെ അധ്യക്ഷതയിൽ കാൽനാട്ട്
പന്തൽ കാൽനാട്ട് കർമ്മം കൊച്ചുതോവാള പള്ളി വികാരിയും കട്ടപ്പന ഫൊറോനയിലെ സീനിയർ വൈദികനുമായ റവ. ഫാ. ഇമ്മാനുവൽ മടുക്കക്കുഴി നിർവഹിച്ചു.
ഫാ. ജോസ് മംഗലത്തിൽ, ഫാ. മജു നിരവത്ത്, ഫാ. രാജേഷ് പുല്ലാന്തനാൽ, ഫാ. അനൂപ് കരിങ്ങാട് എന്നിവരും സഹകരിച്ചു.
അരലക്ഷം വിശ്വാസികളുടെ പങ്കാളിത്തം പ്രതീക്ഷിക്കുന്നു
ഏകദേശം 50,000-ത്തിലധികം വിശ്വാസികൾ കൺവെൻഷനില് പങ്കെടുക്കുമെന്ന് കൺവെൻഷൻ കമ്മിറ്റി പ്രതീക്ഷിക്കുന്നു.
ഒരുക്കങ്ങൾ നിലവിൽ അവസാനഘട്ടത്തിലേക്ക് കടന്നിരിക്കുകയാണ്.
300 അംഗ കമ്മിറ്റി രൂപീകരിച്ച് ഒരുക്കങ്ങൾക്ക് ഏകോപനം
കൺവെൻഷൻ നടത്തിപ്പിനായി കട്ടപ്പന ഫെറോനാ വികാരിയും കാഞ്ഞിരപ്പള്ളി രൂപത കരിസ്മാറ്റിക് നവീകരണ വിഭാഗം ഡയറക്ടറുമായ ഫാ. കുര്യാക്കോസ് വടക്കേട് കൺവീനറായി 300 അംഗങ്ങളുടെ വിപുലമായ കമ്മിറ്റിക്ക് രൂപം നൽകിയിട്ടുണ്ട്.
English Summary:
The Kanjirappally Diocese Bible Convention, “Kripaabhishek 2025,” will be held in Kattappana from December 10–14. Preparations are in their final phase, and the pandal foundation ritual has already taken place at St. George Forane Church. Rev. Fr. Dominic Valanmanal will lead the event, which is expected to attract over half a lakh faithful. A 300-member committee is coordinating the arrangements, and each day will include the rosary, preaching, Holy Mass, and adoration.
