എ.ഡി.ജി.പി എം.ആര്. അജിത് കുമാറിന് സ്ഥാനമാറ്റം നല്കിയ നടപടി മുഖ്യമന്ത്രിയുടെ രക്ഷാപ്രവര്ത്തനമെന്നു
കെ.പി.സി.സി പ്രസിഡന്റ് കെ. സുധാകരന് എംപി. ഇത് ശിക്ഷാനടപടിയെന്ന് വിശേഷിപ്പിക്കുന്നത് പോലും നാണക്കേടാണെന്നും സുധാകരൻ വ്യക്തമാക്കി. K said that ADGP’s transfer was a ‘rescue action’ by the Chief Minister. Sudhakaran
എ.ഡി.ജി.പിയെ പരമാവധി സംരക്ഷിക്കുന്ന മുഖ്യമന്ത്രിയുടെ നടപടിയെ തങ്ങളുടെ വിജയമെന്ന് അവകാശപ്പെടുന്നത് സി.പി.ഐയുടെ രാഷ്ട്രീയ ചരിത്രത്തിലെ ഏറ്റവും വലിയ ഗതികേടാണ്.
ഒട്ടും ആത്മാർഥമില്ലാത്ത നടപടിയാണ് സര്ക്കാരിന്റെത്. നിമയസഭ തുടങ്ങുമ്പോള് പ്രതിപക്ഷത്തിന്റെ ചോദ്യങ്ങളില് നിന്ന് തടിതപ്പാനും പുകമുറ സൃഷ്ടിക്കാനും ചട്ടപ്പടി നടപടി മാത്രമാണിത്. ക്രമസമാധാന ചുമതലയില് നിന്ന് ഒഴിവാക്കി സായുധ പൊലീസ് ബറ്റാലിയനിലേക്ക് നിര്ത്തിക്കൊണ്ടാണ് അജിത് കുമാറിനോടുള്ള കരുതല് മുഖ്യമന്ത്രി കാട്ടിയത്.
ആര്.എസ്.എസ് നേതൃത്വത്തിന്റെ പ്രീതി നിലനിര്ത്താനാണ് എ.ഡി.ജി.പി അജിത് കുമാറിനെ മുഖ്യമന്ത്രി ചേര്ത്ത് പിടിക്കുന്നത്. മുഖ്യമന്ത്രിക്ക് വേണ്ടി രാഷ്ട്രീയ ദൗത്യമേറ്റെടുത്ത് ആര്.എസ്.എസ് നേതാക്കളെ കണ്ട എ.ഡി.ജി.പിയെ കൈവിടാന് തയ്യാറല്ലെന്ന സന്ദേശമാണ് സര്ക്കാര് നല്കുന്നത്.
പൂരം കലക്കിയത് ഉള്പ്പെടെ ഇതുവരെയുള്ള പ്രതിപക്ഷ ആരോപണം എല്ലാം പരോക്ഷമായി സമ്മതിക്കുന്നതാണ് എ.ഡി.ജി.പിയെ ക്രമസമാധാന ചുമതലയില് നിന്ന് ഒഴിവാക്കാന് സര്ക്കാര് നിര്ബന്ധിതമായ സാഹചര്യമെന്ന് കെ. സുധാകരന് പറഞ്ഞു.
