കടയിൽ ചാർജ് ചെയ്യാൻ ഏൽപ്പിച്ച മൊബൈൽ തിരികെ കിട്ടാൻ താമസിച്ചതിനെ ചൊല്ലി കടയിൽ അക്രമം അഴിച്ചുവിട്ടു യുവാക്കൾ. തൃശ്ശൂർ ശക്തൻ ബസ്റ്റാൻഡിലെ ന്യൂ മൊബൈൽ വേൾഡ് എന്ന കടയിൽ കഴിഞ്ഞദിവസം രാത്രി ഏഴരയോടെയാണ് സംഭവം ഉണ്ടായത്. മൊബൈൽ ഫോൺ ചാർജ് ചെയ്യണമെന്ന് ആവശ്യവുമായി രണ്ടു യുവാക്കൾ കടയിലെത്തി. കടയിൽ ഒരു ജീവനക്കാരൻ മാത്രമാണ് അപ്പോൾ ഉണ്ടായിരുന്നത്. യുവാക്കളുടെ കയ്യിൽ നിന്നും മൊബൈൽ വാങ്ങിയ ജീവനക്കാരൻ ചാർജ് ചെയ്യാൻ വച്ചു.
അല്പസമയത്തിനുശേഷം ഫോൺ മടക്കി വാങ്ങാൻ യുവാക്കൾ എത്തിയപ്പോൾ ജീവനക്കാരൻ മറ്റൊരു മൊബൈൽ ഫോണിന്റെ ഡിസ്പ്ലേ ഗ്ലാസ് ഒട്ടിക്കുന്ന തിരക്കിലായിരുന്നു. അൽപസമയം കാത്തിരിക്കാൻ ആവശ്യപ്പെട്ടതാണ് യുവാക്കളെ പ്രകോപിപ്പിച്ചത്. ആക്രമണം അഴിച്ചുവിട്ട യുവാക്കൾ കടയുടെ ഗ്ലാസ് തല്ലിപ്പൊളിക്കുകയും ജീവനക്കാരനെ കത്തികൊണ്ട് കുത്താൻ ശ്രമിക്കുകയും ചെയ്തു. ഓടിക്കൂടി നാട്ടുകാർ പോലീസിൽ വിവരം അറിയിച്ചപ്പോഴേക്കും യുവാക്കൾ ഓടി രക്ഷപ്പെട്ടു. ഇവർ മദ്യലഹരിയിൽ ആയിരുന്നു എന്ന് സംശയിക്കുന്നു. യുവാക്കൾക്കായി തിരച്ചിൽ ആരംഭിച്ചതായി പോലീസ് അറിയിച്ചു.
വീണ്ടും കൂടുതൽ സർവീസുകൾ റദ്ദാക്കി എയർഇന്ത്യ എക്സ്പ്രസ്; റദ്ദാക്കിയ വിമാനങ്ങൾ ഇതൊക്കെ
