ഗോലാൻ കുന്നിലേക്ക് ലെബനനിലെ സായുധ സംഘമായ ഹിസ്ബുള്ള നടത്തിയ റോക്കറ്റ് ആക്രണണത്തിൽ കാറിൽ സഞ്ചരിക്കുകയായിരുന്ന രണ്ട് ഇസ്രയേലി പൗരന്മാർ കൊല്ലപ്പെട്ടു. ഗോലാൻ കുന്നിലെ നഫാഹ് ജങ്ങ്ഷനിൽവെച്ചാണ് കാറിൽ റോക്കറ്റ് പതിച്ചത്. (US says Modi’s visit to Russia will not affect US-India relations)
ബെയ്റൂത്തിൽ ഇസ്രയേൽ വ്യോമാക്രമണത്തിൽ ഹിസ്ബുള്ള കമാൻഡർ കൊല്ലപ്പെട്ടതിന് ശേഷം ഹിസ്ബുള്ള ഗോലാൻ കുന്നുകളിലേക്ക് വ്യാപക ആക്രമണം നടത്തിയിരുന്നു. ആക്രമണത്തിന്റെയും ഗോലാൻ കുന്നിലെ ഇസ്രയേൽ മിലിട്ടറി സംവിധാനങ്ങളുടെയും 9 മിനുട്ട് നീളുന്ന ഡ്രോൺ വീഡിയോയും ഹിസ്ബുള്ള പുറത്തു വിട്ടിട്ടുണ്ട്.
ലെബനനിലേക്ക് പട നയിക്കാൻ ഇസ്രയേൽ സൈന്യത്തിന് സർക്കാരിന്റെ ഭാഗത്തു നിന്നും അനുമതി ലഭിച്ചതിനെ തുടർന്ന് പ്രദേശത്ത് യുദ്ധഭീതി ശക്തമാണ്. എന്നാൽ അമേരിക്ക ഉൾപ്പെടെ ലൈബനനിൽ ആക്രമണം നടത്തുന്നതിൽ നിന്നും ഇസ്രയേലിന് മുന്നറിയിപ്പ് നൽകിയിട്ടുണ്ട്.
