കണ്ണൂർ: കണ്ണൂർ തലശ്ശേരിയിലാണ് ഇൻസ്റ്റഗ്രാം പ്രണയത്തിലൂടെ യുവതിയുടെ 25 പവൻ തട്ടിയെടുത്ത പ്രതി പിടിയിൽ. കഴിഞ്ഞ ഫെബ്രുവരി ഒമ്പതിനായിരുന്നു കേസിനാസ്പദമായ സംഭവം നടന്നത്. വടകര സ്വദേശി മുഹമ്മദ് നജീറാണ് പിടിയിലായത്. യുവതിയിൽ നിന്നും തട്ടിയെടുത്ത 25 പവൻ സ്വർണത്തിൽ 14 പവൻ വടകരയിലെ ജ്വല്ലറിയിൽ നിന്നും പൊലീസ് കണ്ടെടുത്തു.
ഇൻസ്റാഗ്രാമിലൂടെ പ്രണയബന്ധം സ്ഥാപിച്ച് നജീർ വിവിധ സ്ഥലങ്ങളിൽ പ്രണയത്തട്ടിപ്പ് നടത്തിയതായാണ് പൊലീസിൻറെ കണ്ടെത്തൽ. വിധവകളും, ഭർത്താവുമായി അകന്നു കഴിയുന്ന യുവതികളുമാണ് ഇയാളുടെ ലക്ഷ്യം. പ്രതിയിൽ നിന്ന് ഏഴര ലക്ഷം രൂപയും മൊബൈൽ ഫോണുകളും പിടിച്ചെടുത്തിട്ടുണ്ട്.
