‘എന്റെ സമയം കഴിഞ്ഞു’; പൈലറ്റ് ഇറങ്ങി, അഞ്ച് മണിക്കൂർ വിമാനത്തിൽ കുടുങ്ങി യാത്രക്കാർ
ചെന്നൈ: ചെന്നൈയിൽ നിന്ന് സിംഗപ്പൂരിലേക്ക് പോകേണ്ടിയിരുന്ന ഇൻഡിഗോ വിമാനത്തിൽ 200-ലധികം യാത്രക്കാർ അഞ്ച് മണിക്കൂറോളം കുടുങ്ങി.
രാവിലെ 6.30 മുതൽ യാത്രക്കാർ വിമാനത്തിൽ കയറി ഇരുന്നെങ്കിലും, ഷെഡ്യൂൾ ചെയ്ത സമയത്ത് വിമാനം പുറപ്പെട്ടില്ല.
ശ്വാസമെടുക്കാൻ ബുദ്ധിമുട്ട്, ആശയവിനിമയക്കുറവ്
ക്യാബിൻ എയർ കണ്ടീഷനിംഗ് ഓണും ഓഫും ആയതിനെ തുടർന്ന് ശ്വാസമെടുക്കാൻ ബുദ്ധിമുട്ടുണ്ടായതായി ചില യാത്രക്കാർ ആരോപിച്ചു.
ശിശുക്കളും പ്രായമായവരും ഉൾപ്പെടെ നിരവധി പേർ വിമാനത്തിലുണ്ടായിരുന്നു. അസ്വസ്ഥതയെ തുടർന്ന് ഇറങ്ങാൻ അനുവദിച്ചില്ലെന്നും ചിലർ സോഷ്യൽ മീഡിയയിൽ കുറിച്ചു.
കേരളം വോട്ടെടുപ്പിലേക്ക്: തിരഞ്ഞെടുപ്പ് കമ്മീഷൻ അടുത്തയാഴ്ച എത്തും; ഏപ്രിലിൽ വോട്ടെടുപ്പിന് സാധ്യത
പൈലറ്റ് ഡ്യൂട്ടി സമയം കഴിഞ്ഞു സ്ഥലം വിട്ടു
വിമാനം വൈകാൻ പ്രധാന കാരണം, ചുമതലയുള്ള പൈലറ്റ് തന്റെ ജോലി സമയം കഴിഞ്ഞതായി ചൂണ്ടിക്കാട്ടി സ്ഥലം വിട്ടതാണെന്ന് റിപ്പോർട്ടുകൾ പറയുന്നു.
പകരം പൈലറ്റ് രാവിലെ 11 മണിക്ക് റിപ്പോർട്ട് ചെയ്തു. ഒടുവിൽ ഉച്ചയ്ക്ക് 12 മണിയോടെ വിമാനം പുറപ്പെട്ടു.
ഇൻഡിഗോയുടെ വിശദീകരണം
യാത്രക്കാർക്ക് സമയാസമയങ്ങളിൽ അപ്ഡേറ്റുകൾ നൽകിയതായും ലഘുഭക്ഷണം വിതരണം ചെയ്തതായും ഇൻഡിഗോ വൃത്തങ്ങൾ അറിയിച്ചു.
ക്യാബിൻ താപനില സാധാരണ നിലയിലായിരുന്നുവെന്നും സാങ്കേതിക ടീമിനെ അറിയിച്ചിരുന്നുവെന്നും കമ്പനി വ്യക്തമാക്കി.
English Summary:
Over 200 passengers were stranded inside an IndiGo flight from Chennai to Singapore for nearly five hours after the scheduled departure was delayed. Reports say the pilot left the aircraft citing the end of his duty hours, and a replacement pilot took charge only around 11 am. Passengers complained of poor communication and discomfort inside the cabin. The flight eventually departed at noon. IndiGo stated that updates were provided, refreshments were served, and cabin conditions remained normal.
