ഇറാനിലെ ഇന്ത്യൻ പൗരന്മാർക്ക് അടിയന്തര മുന്നറിയിപ്പ്: എത്രയും പെട്ടെന്ന് രാജ്യം വിടാൻ നിർദേശം
ന്യൂഡൽഹി: ഇറാനിലെ സാഹചര്യങ്ങൾ ആശങ്കജനകമായതിനെ തുടർന്ന് അവിടെയുള്ള ഇന്ത്യൻ പൗരന്മാർക്ക് എത്രയും പെട്ടെന്ന് രാജ്യം വിടാൻ ഇന്ത്യൻ എംബസി നിർദേശം നൽകി. എംബസിയുടെ ഔദ്യോഗിക എക്സ് അക്കൗണ്ടിലൂടെയാണ് മുന്നറിയിപ്പ് പുറത്തുവിട്ടത്.
എംബസിയുമായി ബന്ധപ്പെട്ടോ അവർ നിർദേശിക്കുന്ന സുരക്ഷിത മാർഗങ്ങളിലൂടെയോ മാത്രമേ രാജ്യം വിടാവൂ എന്നും, മുൻകൂട്ടി ബന്ധപ്പെടാതെ രാജ്യാന്തര അതിർത്തികളിലേക്ക് പ്രവേശിക്കരുതെന്നും നിർദേശത്തിൽ വ്യക്തമാക്കുന്നു.
അടിയന്തര ആവശ്യങ്ങൾക്കായി എംബസി ഹെൽപ്ലൈൻ നമ്പറുകളും ഇമെയിൽ വിലാസവും പുറത്തുവിട്ടിട്ടുണ്ട്:
📞 +989128109115, +989128109109, +989128109102, +989932179359
📧 cons.tehran@mea.gov.in
യുഎസും ഇറാനും തമ്മിലുള്ള സംഘർഷാവസ്ഥ തുടരുന്നതിനിടെ രണ്ടാഴ്ചത്തെ വെടിനിർത്തൽ പ്രഖ്യാപിച്ച പശ്ചാത്തലത്തിലാണ് ഈ മുന്നറിയിപ്പ്. സമാധാന ചർച്ചകൾ പാകിസ്ഥാനിലെ ഇസ്ലാമാബാദിൽ നടക്കാനിരിക്കുകയാണ്.
ഇതിനിടെ ഹോർമുസ് കടലിടുക്ക് തുറക്കുന്നതിനും സമാധാന നടപടികൾ മുന്നോട്ട് കൊണ്ടുപോകുന്നതിനും ഇരുപക്ഷവും നിബന്ധനകൾ മുന്നോട്ടുവച്ചിട്ടുണ്ട്. എന്നാൽ പ്രദേശത്തെ സാഹചര്യം ഇപ്പോഴും അനിശ്ചിതത്വത്തിലാണ്.
ഇതിനാൽ സുരക്ഷയെ മുൻനിർത്തി ഇന്ത്യൻ പൗരന്മാർ ജാഗ്രത പാലിക്കണമെന്നും അധികൃതർ ആവശ്യപ്പെട്ടു.
English Summary
The Indian Embassy in Iran has advised Indian nationals to leave the country immediately due to the ongoing tensions.
Citizens have been asked to coordinate with the embassy and avoid traveling to borders without prior approval. Emergency contact details have also been shared as the situation remains uncertain despite a temporary ceasefire.
