ശബരിമലയിൽ അനധികൃത നെയ് വിൽപന നടക്കുന്നുവെന്ന് പരാതി. പരാതിയുടെ അടിസ്ഥാനത്തിൽ വിജിലൻസ് നടത്തിയ റെയ്ഡിൽ കീഴ്ശാന്തി പിടിയിലായി. ടെമ്പിൾ സ്പെഷ്യൽ ഓഫീസറും ദേവസ്വം വിജിലൻസ് ആൻഡ് സെക്യൂരിറ്റി വിഭാഗവും സംയുക്തമായി നടത്തിയ മിന്നൽ പരിശോധനയിലാണ് ഇയാൾ പിടിയിലായത്. ചെറായി സ്വദേശി മനോജ് ആണ് പിടിയിലായത്. ഇയാളുടെ പക്കൽ നിന്നും 14565 രൂപ പിടികൂടി. പടിഞ്ഞാറെ നടയിലെ നെയ്യ് എക്സ്ചേഞ്ച് കൗണ്ടറിൽ ജോലി ചെയ്തിരുന്ന ഇയാൾ ഇവിടെ അനധികൃതമായി തീർത്ഥാടകർക്ക് നെയ് വിൽപ്പന നടത്തി എന്നാണ് കണ്ടെത്തിയിരിക്കുന്നത്. ഇയാൾ താമസിക്കുന്ന കോട്ടേഴ്സിൽ നിന്നും 2565 രൂപയും ഭക്തരിൽ നിന്നും സമാഹരിച്ച് സൂക്ഷിച്ചിരുന്ന 12000 രൂപയും പിടിച്ചെടുത്തിട്ടുണ്ട്. B തുടർനടപടികൾക്കായി ഇയാളെ പോലീസിനു കൈമാറും.
Read also;
