ഈ രാജ്യത്ത് പോയാൽ ഭാര്യമാരെ വാടകയ്ക്ക് കിട്ടും; ഇഷ്ടപ്പെട്ടാൽ അപ്പൊ തെന്നെ കെട്ടാം…! അകലെയൊന്നുമല്ല, തൊട്ടടുത്താ…
ഭാര്യയെ വാടകയ്ക്ക് എടുക്കുന്നത് — കേൾക്കുമ്പോൾ തന്നെ ആശ്ചര്യപ്പെടുത്തുന്ന ആശയം. എന്നാൽ, ഇത്തരം ഒരു ട്രെൻഡ് നിലവിലുണ്ട് എന്ന് റിപ്പോർട്ടുകൾ സൂചിപ്പിക്കുന്നു.
വർഷംതോറും ലക്ഷക്കണക്കിന് വിനോദസഞ്ചാരികളെ ആകർഷിക്കുന്ന തായ്‌ലൻഡിലാണ് ഇത് ശ്രദ്ധ നേടുന്നത്. പ്രത്യേകിച്ച് പട്ടായ പ്രദേശത്ത് ‘വൈഫ് ഓൺ ഹയർ’ അല്ലെങ്കിൽ ‘ബ്ലാക്ക് പേൾ’ എന്ന പേരിലാണ് ഇത് അറിയപ്പെടുന്നത്.
ഈ സേവനം ഉപയോഗിച്ച് വിദേശികൾക്ക് ഒരു നിശ്ചിത കാലയളവിൽ “ഭാര്യ”യെ വാടകയ്ക്ക് എടുക്കാം. സ്ത്രീകൾ പുരുഷന്മാരുടെ കൂടെ താമസിക്കുകയും, പാചകം ചെയ്യുകയും ചെയ്യും.
ഭാര്യയുടെ കടമകൾ പോലെ പലകാര്യങ്ങളും നിർവഹിക്കുകയും ചെയ്യും. എന്നാൽ, ഇത് നിയമപരമായ വിവാഹം അല്ല. മറിച്ച് ഒരു കരാർ അടിസ്ഥാനത്തിലുള്ള ബന്ധം മാത്രമാണ്.
വാടകയ്ക്ക് എടുത്ത സ്ത്രീയോട് വിദേശിക്ക് ഇഷ്ടം തോന്നിയാൽ, പിന്നീട് വിവാഹം കഴിക്കാനും അവസരം ഉണ്ടാകാമെന്ന് ചില റിപ്പോർട്ടുകൾ പറയുന്നു.
ഈ പ്രവണതയിൽ നിരവധി തായ്‌ലൻഡ് സ്വദേശിനികൾ പങ്കുചേരുന്നുണ്ട്. പലർക്കും ഇത് സ്ഥിരമായ വരുമാന മാർഗമായി മാറിയിട്ടുണ്ട്.
സ്ത്രീകളുടെ പ്രായം, സൗന്ദര്യം, വിദ്യാഭ്യാസം തുടങ്ങിയ കാര്യങ്ങളുടെ അടിസ്ഥാനത്തിലാണ് വാടക തുക നിശ്ചയിക്കുന്നത്.
ചിലർ മാസങ്ങളോളം ഭാര്യമാരെ വാടകയ്ക്ക് എടുക്കുന്നുണ്ടെന്നും 1.3 ലക്ഷം മുതൽ 96 ലക്ഷം രൂപ വരെയുള്ള തുക ഇതിനായി ചെലവാക്കുന്നുണ്ടെന്നും റിപ്പോർട്ടുകൾ പറയുന്നു.
ഇത് രാജ്യത്ത് സോഷ്യൽ മീഡിയ വഴിയും ഏറെ പ്രചരിച്ച സാഹചര്യത്തിൽ തായ് സർക്കാർ പോലും ശ്രദ്ധയിൽപ്പെടുത്തിയിട്ടുണ്ട്.
ഫെയ്‌സ്ബുക്ക്, എക്‌സ്, ഇൻസ്റ്റാഗ്രാം, യൂട്യൂബ്…..26 സോഷ്യൽ മീഡിയ പ്ലാറ്റ്‌ഫോമുകൾക്ക് നിരോധനം ഏർപ്പെടുത്തി ഈ രാജ്യം…! കാരണം ഇതാണ്…..
ഫെയ്‌സ്ബുക്ക്, എക്‌സ് (ട്വിറ്റർ), ഇൻസ്റ്റാഗ്രാം, യൂട്യൂബ് ഉൾപ്പെടെ 26 സോഷ്യൽ മീഡിയ പ്ലാറ്റ്‌ഫോമുകൾക്ക് നേപ്പാൾ സർക്കാർ നിരോധനം ഏർപ്പെടുത്തി.
നിശ്ചിത സമയപരിധിക്കുള്ളിൽ രജിസ്ട്രേഷൻ നടപടികൾ പൂർത്തിയാക്കാത്തത് തന്നെയാണ് നടപടിയുടെ കാരണം.
സർക്കാർ ഉത്തരവ്
“രജിസ്റ്റർ ചെയ്യാത്ത എല്ലാ സോഷ്യൽ മീഡിയ സൈറ്റുകളും രജിസ്റ്റർ ചെയ്യുന്നതുവരെ പ്രവർത്തനരഹിതമാക്കുക” എന്ന നിർദ്ദേശം നേപ്പാൾ ടെലികമ്മ്യൂണിക്കേഷൻ അതോറിറ്റിക്ക് സർക്കാർ നൽകി. വാർത്താവിനിമയ, വിവരസാങ്കേതിക മന്ത്രാലയമാണ് ഔദ്യോഗിക അറിയിപ്പ് പുറപ്പെടുവിച്ചത്.
ലോകത്തിലെ രണ്ടാമത്തെ വലിയ വിപണി; ഓപ്പൺ എഐ ഇന്ത്യയിലേയ്ക്ക്
ഏഴ് ദിവസത്തെ സമയപരിധി
ആഗസ്റ്റ് 28-ന് സർക്കാർ സോഷ്യൽ മീഡിയ പ്ലാറ്റ്‌ഫോമുകൾക്ക് നേപ്പാളിൽ രജിസ്റ്റർ ചെയ്യാൻ ഏഴ് ദിവസത്തെ സമയപരിധി നൽകിയിരുന്നു. ബുധനാഴ്ച രാത്രി ആ സമയപരിധി അവസാനിച്ചതോടെ നടപടി സ്വീകരിക്കുകയായിരുന്നു.
സർക്കാരിന്റെ പ്രതീക്ഷകൾ
ബുധനാഴ്ച ഉച്ചയ്ക്ക് മന്ത്രാലയ വക്താവ് ഗജേന്ദ്ര ഠാക്കൂർ, അർദ്ധരാത്രിക്ക് മുമ്പ് കമ്പനികൾ രജിസ്ട്രേഷൻ നടപടികൾ ആരംഭിക്കുമെന്ന് പ്രതീക്ഷിക്കുന്നതായി അറിയിച്ചു. പക്ഷേ ആരും പ്രതികരിക്കാത്ത സാഹചര്യത്തിൽ, വ്യാഴാഴ്ച ചേർന്ന യോഗത്തിൽ നിരോധനം ഉടൻ നടപ്പാക്കാൻ സർക്കാർ തീരുമാനിച്ചു.
ആക്ടിവിസ്റ്റുകളുടെ വിമർശനം
ഈ നീക്കം വിയോജിപ്പുകളെ നിശ്ശബ്ദമാക്കാനുള്ള ശ്രമം മാത്രമാണെന്ന് ആരോപിച്ച് നിരവധി ആക്ടിവിസ്റ്റുകൾ സർക്കാരിനെതിരെ രംഗത്തെത്തി.
സർക്കാർ നിർദ്ദേശിച്ച കർശനമായ മേൽനോട്ടവും നിയന്ത്രണ വ്യവസ്ഥകളും സോഷ്യൽ മീഡിയ കമ്പനികൾക്ക് അനാവശ്യ ഇടപെടലായാണ് തോന്നിയത്.
പല കമ്പനികളും ഇത്തരം കടന്നുകയറ്റ നിയമങ്ങൾക്ക് വിധേയരാകാൻ താത്പര്യമില്ലാത്തതിനാൽ രജിസ്റ്റർ ചെയ്യുന്നതിൽ നിന്ന് പിന്നോട്ടുപോയിരിക്കാമെന്നാണ് വിലയിരുത്തൽ.
സമൂഹത്തിനുള്ള പ്രതിഫലം
സോഷ്യൽ മീഡിയ നിരോധനം, നേപ്പാളിലെ വാർത്താവിനിമയ സ്വാതന്ത്ര്യത്തെയും ഓൺലൈൻ ഉപയോക്താക്കളുടെ ദിനചര്യയെയും നേരിട്ട് ബാധിക്കുമെന്ന് വിദഗ്ധർ മുന്നറിയിപ്പ് നൽകുന്നു.
എഐ മരണത്തിലേക്ക് നയിക്കുമെന്ന് മുന്നറിയിപ്പ്
വാഷിംഗ്ടൺ: ലോകമെമ്പാടും ആർട്ടിഫിഷ്യൽ ഇന്റലിജൻസ് (എഐ) വിപ്ലവകരമായ മാറ്റങ്ങൾ സൃഷ്ടിച്ചുകൊണ്ടിരിക്കുമ്പോൾ, അതിന്റെ പ്രതികൂല ഫലങ്ങളെക്കുറിച്ചുള്ള ആശങ്കകൾ ഗൗരവമായി ഉയർന്നുവരികയാണ്.
പ്രത്യേകിച്ച്, കുട്ടികളിൽ എഐ ചാറ്റ്ബോട്ടുകൾ സൃഷ്ടിക്കുന്ന മാനസികാരോഗ്യ പ്രശ്നങ്ങളും അപകടങ്ങളും അമേരിക്കയെ വലിയ ആശങ്കയിലാഴ്ത്തി.
44 സംസ്ഥാനങ്ങളിലെ അറ്റോർണി ജനറൽമാർ ചേർന്ന് ലോകത്തിലെ മുൻനിര എഐ കമ്പനികൾക്ക് നൽകിയ സംയുക്ത കത്തിലാണ് കുട്ടികളെ സുരക്ഷിതരാക്കാനുള്ള നിർദ്ദേശങ്ങൾ മുന്നോട്ടുവച്ചത്.
ഗൂഗിൾ, മൈക്രോസോഫ്റ്റ്, ഓപ്പൺഎഐ, മെറ്റ, എക്സ്‌എഐ തുടങ്ങിയ ഭീമൻ കമ്പനികൾക്ക് നേരിട്ടാണ് മുന്നറിയിപ്പ് നൽകിയിരിക്കുന്നത്.
കുട്ടികളുടെ സുരക്ഷയ്ക്ക് വിട്ടുവീഴ്‌ചയില്ല
നാഷണൽ അസോസിയേഷൻ ഓഫ് അറ്റോർണി ജനറൽ (NAAG) പുറത്തിറക്കിയ കത്തിൽ, കുട്ടികളെ എഐയുടെ അപകടകരമായ സ്വാധീനങ്ങളിൽ നിന്ന് സംരക്ഷിക്കുക, ചാറ്റ്ബോട്ടുകൾ വഴി തെറ്റായ വിവരങ്ങൾ നൽകുന്നത് തടയുക
നിയമപരമായ പ്രത്യാഘാതങ്ങൾ ഒഴിവാക്കാൻ അടിയന്തിര നടപടി സ്വീകരിക്കുക
എന്നിവ ആവശ്യപ്പെട്ടു. കുട്ടികളുടെ സുരക്ഷയ്ക്ക് വിട്ടുവീഴ്‌ചയ്ക്ക് ഇടയില്ലെന്ന് വ്യക്തമാക്കിയിട്ടുണ്ട്.
ഭയാനക സംഭവങ്ങൾ ആശങ്ക കൂട്ടി
ഇതിന് പുറകിൽ, അടുത്തിടെ പുറത്തുവന്ന ചില സംഭവങ്ങളാണ് പ്രധാന കാരണം. 16 വയസുള്ള ഒരു കുട്ടി, ചാറ്റ്‌ജിപിടി നൽകിയ ആത്മഹത്യാ നിർദ്ദേശങ്ങൾ പിന്തുടർന്ന് മരണം സംഭവിച്ചത് വലിയ വിവാദമായി.
ചാറ്റ്ബോട്ട് കുട്ടിയെ പ്രശ്നങ്ങൾ കുടുംബവുമായി പങ്കുവെക്കരുതെന്ന് സമ്മർദം ചെലുത്തിയെന്നും ആരോപണമുണ്ട്.
ഗൂഗിൾ എഐ ഒരു കൗമാരക്കാരനെ ആത്മഹത്യയ്ക്ക് പ്രേരിപ്പിച്ചുവെന്ന് പരാതി.
മെറ്റയുടെ എഐ ടൂളുകളും കുട്ടികളുടെ മാനസികാരോഗ്യത്തിൽ ഗുരുതരമായ ആഘാതങ്ങൾ ഉണ്ടാക്കുന്നതായി റിപ്പോർട്ടുകൾ.
ടെക് ഭീമന്മാർക്കെതിരെ ശക്തമായ നിലപാട്
ഈ സംഭവങ്ങൾ കൂട്ടത്തോടെ പുറത്തുവരുമ്പോൾ അമേരിക്കൻ സർക്കാരിന് ടെക് ഭീമന്മാരെതിരെ കർശന നടപടി സ്വീകരിക്കാതെ മാർഗമില്ലാതായി.
