മോഷ്ടിച്ച സ്കൂട്ടർ കണ്ടെത്താൻ സഹായിച്ചത് ട്രാഫിക് ചെല്ലാൻ; കള്ളൻ കുടുങ്ങിയത് ഇങ്ങനെ

മോഷ്ടിച്ച സ്കൂട്ടർ കണ്ടെത്താൻ സഹായിച്ചത് ട്രാഫിക് ചെല്ലാൻ; കള്ളൻ കുടുങ്ങിയത് ഇങ്ങനെ

ഹൈദരാബാദ്: മൂന്ന് മാസം മുമ്പ് മോഷ്ടിക്കപ്പെട്ട സ്കൂട്ടർ ട്രാഫിക് ചെല്ലാനിലൂടെ കണ്ടെത്തിയ വിചിത്ര സംഭവമാണ് ഹൈദരാബാദിൽ പുറത്തുവന്നത്.

ജനുവരി 24-നാണ് ഫൈസൽ റഹ്മാന്റെ സ്കൂട്ടർ മോഷണം പോയത്. പൊലീസിൽ പരാതി നൽകിയിട്ടും വാഹനത്തെക്കുറിച്ച് യാതൊരു വിവരവും ലഭിച്ചിരുന്നില്ല. എന്നാൽ ഏപ്രിൽ 7-ന് ഫൈസലിന്റെ ഫോണിലേക്ക് ഹെൽമെറ്റ് ധരിക്കാതെ വാഹനം ഓടിച്ചതിന് പിഴ ചുമത്തിയ ട്രാഫിക് ചെല്ലാൻ സന്ദേശം എത്തി.

ചെല്ലാനിലെ ചിത്രം പരിശോധിച്ചപ്പോൾ, തന്റെ മോഷ്ടിക്കപ്പെട്ട സ്കൂട്ടർ ഓടിക്കുന്ന മറ്റൊരാളുടെ ചിത്രം വ്യക്തമായി കാണുകയായിരുന്നു. ഇതോടെ ഫൈസൽ സോഷ്യൽ മീഡിയയിൽ ചിത്രം പങ്കുവച്ച് ഹൈദരാബാദ് പൊലീസിനെയും ട്രാഫിക് പൊലീസിനെയും ടാഗ് ചെയ്തു.

സംഭവം വൈറലായതോടെ പൊലീസ് അന്വേഷണം ഊർജിതമാക്കി. ചെല്ലാൻ രേഖപ്പെടുത്തിയ സ്ഥലത്തെ സിസിടിവി ദൃശ്യങ്ങൾ പരിശോധിച്ച് വാഹനം കണ്ടെത്തുകയും ഓടിച്ചിരുന്നയാളെ കസ്റ്റഡിയിലെടുക്കുകയും ചെയ്തു. ഇയാൾ തന്നെയാണോ മോഷണം നടത്തിയതോ അല്ലെങ്കിൽ മോഷ്ടിച്ച വാഹനം വാങ്ങിയതോ എന്നത് പൊലീസ് അന്വേഷിച്ചുവരികയാണ്.

വാഹനം വീണ്ടെടുക്കാനായതിൽ സന്തോഷം പ്രകടിപ്പിച്ച ഫൈസൽ, പൊലീസിന്റെ പ്രാഥമിക അനാസ്ഥയെ വിമർശിക്കുകയും ചെയ്തു. മോഷണം പോയ വാഹനങ്ങൾ ട്രാഫിക് സംവിധാനത്തിൽ അപ്‌ഡേറ്റ് ചെയ്യാത്തത് എന്തുകൊണ്ടാണെന്ന് സോഷ്യൽ മീഡിയയിൽ ചർച്ചകൾ ഉയർന്നു.

English Summary

A stolen scooter in Hyderabad was traced after the owner received a traffic challan with the thief’s photo.

Police later tracked the vehicle using CCTV footage and detained the person riding it. The incident sparked discussions about system lapses.