ആശുപത്രിയിൽ താലികെട്ടിയ ആവണിക്കും ഷാരോണിനും വിവാഹ സമ്മാനം
കൊച്ചി: എറണാകുളം വിപിഎസ് ലേക്‌ഷോര്‍ ആശുപത്രിയുടെ അത്യാഹിത വിഭാഗത്തില്‍ വിവാഹിതയായ ആവണിക്കും കുടുംബത്തിനും ആശ്വാസമേകി ആശുപത്രി ചെയര്‍മാന്‍ ഡോ. ഷംഷീര്‍ വയലിലിൽ.
അപകടത്തില്‍ പരിക്കേറ്റ് ചികിത്സയില്‍ കഴിയുന്ന ആവണിയുടെ ശസ്ത്രക്രിയയും ചികിത്സയും സൗജന്യമായി നടത്താൻ ഡോ. ഷംഷീർ നിർദ്ദേശം നൽകി.
ഡോ. ഷംഷീര്‍ വയലിലിൽ
വിവാഹ ദിവസം ഉണ്ടായ അപകടത്തെ തുടർന്ന് അത്യാഹിത വിഭാഗത്തിലായ ആവണിയുടെ താലികെട്ട് ആശുപത്രിയിൽ നടന്നതറിഞ്ഞു വിപിഎസ് ലേക്‌ഷോര്‍ എം.ഡി എസ്.കെ. അബ്ദുള്ള മുഖേനയാണ് ചെലവുകളെല്ലാം ആശുപത്രി വഹിക്കുമെന്ന് ഡോ. ഷംഷീർ കുടുംബത്തെ അറിയിച്ചത്.
അപകടത്തിൽ പരിക്കേറ്റ് ചികിത്സയിൽ കഴിയുന്ന ആവണിയുടെ ശസ്ത്രക്രിയയും തുടർചികിത്സയും പൂർണമായും സൗജന്യമായി നൽകണമെന്ന് അദ്ദേഹം നിർദ്ദേശിച്ചു.
ആശുപത്രി വിവാഹത്തിന് വേദിയാകുന്നത് അസാധാരണ അനുഭവമാണെന്നും, എല്ലാ പ്രതിസന്ധികളും മറികടന്ന് തീരുമാനിച്ച മുഹൂർത്തത്തിൽ തന്നെ വിവാഹിതരാകാനുള്ള ഇരുവരുടെയും ധൈര്യം ഹൃദയത്തെ തൊടുന്നതാണെന്നും ഡോ. ഷംഷീർ പറഞ്ഞു.
VPS ലേക്‌ഷോറിന്റെ മുഴുവൻ മെഡിക്കൽ ടീവും മാനേജ്മെന്റും കുടുംബം പോലെ ഈ ദമ്പതികളുടെ കൂടെയുണ്ടെന്നും അദ്ദേഹം കൂട്ടിച്ചേർത്തു.
ആവണിയുടെ ഭർത്താവ് ഷാരോൺ, മാതാപിതാക്കളായ ജഗദീഷ്, ജ്യോതി, സഹോദരൻ അതുൽ എന്നിവരുമായി എസ്.കെ. അബ്ദുള്ള നേരിട്ടു സംസാരിച്ചു, ആശുപത്രിയുടെ മുഴുവൻ പിന്തുണ ഉറപ്പുനൽക്കുകയും ചെയ്തു.
ആവണിയുടെ സ്പൈൻ ശസ്ത്രക്രിയ വിജയകരമായി പൂർത്തിയായി. ന്യൂറോസർജറി വിഭാഗം മേധാവി ഡോ. സുദീഷ് കരുണാകരന്റെ നേതൃത്വത്തിൽ രാവിലെ 9.35ന് ആരംഭിച്ച ശസ്ത്രക്രിയ 12 മണിയോടെ അവസാനിച്ചു.
ഇടുപ്പെല്ലിനും നട്ടെല്ലിന്റെ നിർണായക ഭാഗമായ എൽ4 മേഖലയ്ക്കും ഉണ്ടായ ഗുരുതര പരിക്കുകളും ഞരമ്പിൻറെ തകരാറുകളും സങ്കീർണ ശസ്ത്രക്രിയയിലൂടെ പരിഹരിച്ചതായി ഡോ. സുദീഷ് വ്യക്തമാക്കി.
ന്യൂറോസർജറി, എമർജൻസി, അനസ്‌തീഷ്യ, കാർഡിയാക്-തൊറാസിക് വിഭാഗങ്ങൾ ഉൾപ്പെട്ട വിദഗ്ധ സംഘം ശസ്ത്രക്രിയയ്ക്ക് നേതൃത്വം നൽകി. സർജറിക്കുശേഷം ആവണി ന്യൂറോ സയൻസ് ഐ.സി.യുവിൽ നിരീക്ഷണത്തിലാണ്.
വെള്ളിയാഴ്ച ഉച്ചയ്ക്ക് 12.15നും 12.30നും ഇടയിൽ നടക്കേണ്ടിയിരുന്ന ആവണിയുടെയും ഷാരോണിന്റെയും വിവാഹം, പുലർച്ചെ 3 മണിക്ക് കുമരകത്ത് കാർ അപകടത്തിൽ ഗുരുതരമായി പരിക്കേറ്റ ആവണിയെ VPS ലേക്‌ഷോറിലേക്ക് കൊണ്ടുവന്നതിനെ തുടർന്ന്,
കുടുംബത്തിന്റെ ആഗ്രഹപ്രകാരം നിശ്ചയിച്ച മുഹൂർത്തിൽ തന്നെ ആശുപത്രിയിലെ അത്യാഹിത വിഭാഗത്തിൽ വെച്ച് നടന്നു. മേക്കപ്പ് ഒരുക്കങ്ങളിലേക്കുള്ള യാത്രയ്ക്കിടെയാണ് അപകടം നടന്നത്.
വിവാഹത്തിനും തുടർചികിത്സക്കും ഒപ്പമുണ്ടായ ആശുപത്രിക്കൊപ്പം ആർക്കും നന്ദി അറിയിച്ച് കുടുംബം പ്രതികരിച്ചു.
ENGLISH SUMMARY
In a heart-touching gesture, Dr. Shamsheer Vayalil, Chairman of VPS Lakeshore Hospital, Kochi, announced that all surgery and treatment expenses for Avani—who was seriously injured in an accident on her wedding day—will be provided free of cost.
hospital-wedding-free-treatment-shamsheer-vayalil
Kerala, Kochi, VPSLakeshore, Wedding, Accident, Treatment, ShamsheerVayalil, Healthcare, Avani, Sharon
