“പ്രിയ സുരേഷിന് ഹൃദയം നിറഞ്ഞ അഭിനന്ദനങ്ങൾ’; തൃശൂരിൽ വിജയം കൊയ്ത സുരേഷ് ഗോപിക്ക് ആശംസകളുമായി മമ്മൂട്ടി

ലോക്സഭാ തിരഞ്ഞെടുപ്പിൽ തൃശൂരിൽ നിന്നും വിജയിച്ച ബിജെപി സ്ഥാനാർത്ഥിയും നടനുമായ സുരേഷ് ഗോപിക്ക് ആശംസകളുമായി നടൻ മമ്മൂട്ടി. മികച്ച വിജയം സ്വന്തമാക്കിയ പ്രിയ സുരേഷിന് ഹൃദയം നിറഞ്ഞ അഭിനന്ദനങ്ങൾ എന്നാണ് മമ്മൂട്ടി കുറിച്ചത്. നേരത്തെ മോഹൻലാലും സുരേഷ് ഗോപിക്ക് അഭിനന്ദനം അറിയിച്ച് രംഗത്ത് വന്നിരുന്നു. സോഷ്യൽ മീഡിയയിലാണ് സുരേഷ്‌ഗോപിയുടെ ചിത്രം പങ്കുവെച്ചാണ് ആശംസകൾ അറിയിച്ചിരിക്കുന്നത്. നടനും പത്മശ്രീ ജേതാവുമായ സുരേഷ് ഗോപിക്ക് ലോക്‌സഭയിലേക്ക് ഇത് രണ്ടാം അങ്കമായിരുന്നു. 2019ല്‍ തൃശ്ശൂരില്‍ നിന്ന് ലോക്‌സഭയിലേക്ക് മത്സരിച്ചെങ്കിലും പരാജയപ്പെട്ടിരുന്നു. തൃശ്ശൂരില്‍ നിന്ന് 2021ല്‍ നിയമ സഭയിലേക്ക് മത്സരിച്ചെങ്കിലും വിജയിച്ചില്ല. ഒടുവിൽ മൂന്നാം അങ്കത്തിലാണ് വിജയം കണ്ടിരിക്കുന്നത്.

Read also: ചന്ദ്രന്റെ സാമ്പിൾ ശേഖരിക്കാൻ ചൈന; ചാങ്ഇ 6 ദൗത്യം വിജയം; വിദൂര വശത്ത് ആദ്യമായി  റോവർ  ലാൻഡ് ചെയ്യിപ്പിച്ച രാജ്യമായി ചൈന