ഹർദ്ദീപ് സിങ്ങ് നിജ്ജർ കൊലപാതകം; മൂന്ന് ഇന്ത്യൻ പൗരന്മാർ അറസ്റ്റിൽ

കനേഡിയൻ പൗരൻ ഹർദ്ദീപ്‌സിങ്ങ് നിജ്ജറിന്റെ കൊലപാതകവുമായി ബന്ധപ്പെട്ട് മൂന്ന് ഇന്ത്യൻ പൗരന്മാരെ റോയൽ കനേഡിയൻ പോലീസ് അറസ്റ്റ് ചെയ്തു. കരൺ ബ്രാത്, കമൽ പ്രീത്സിങ്ങ്, കരൺ പ്രീത്സിങ്ങ് എന്നിവരെയാണ് അറസ്റ്റ് ചെയ്തത്. കഴിഞ്ഞ ജൂണിൽ ഗുരുദ്വാരയിൽ നിന്നും പുറത്തിറങ്ങുമ്പോഴാണ് നിജ്ജറിനെ മുഖംമൂടി ധരിച്ചവർ കൊലപ്പെടുത്തിയത്. സംഭവത്തിന് പിന്നിൽ ഇന്ത്യയാണെന്ന് കനേഡിയൻ പ്രധാനമന്ത്രി ജസ്റ്റിൻ ട്രൂഡോ ആരോപിച്ചത് ഇന്ത്യ കാനഡ ബന്ധം വഷളാകാൻ കാരണമായിരുന്നു. കേസിൽ കൂടുതൽ അന്വേഷണം നടന്നു വരികയാണെന്ന് കനേഡിയൻ പോലീസ് പറയുന്നു.

Read also: ഇന്ന് ഇടയ്ക്കിടെ കരണ്ട് പോകും കേട്ടോ ! സംസ്ഥാനത്ത് ഇന്നുമുതൽ കൂടുതൽ മേഖലകളിൽ വൈദ്യുതി നിയന്ത്രണം: ഉച്ചമയക്കവും രാത്രി ഉറക്കവും എല്ലാം പോയേക്കും