ഗുരുവായൂരിൽ പാർക്കിംഗിന് പുതിയ സംവിധാനം
തൃശൂര്‍: ഗുരുവായൂര്‍ ക്ഷേത്രനഗരിയില്‍ വാഹന പാര്‍ക്കിങ് പ്രശ്നം ഇനി എളുപ്പത്തില്‍ പരിഹരിക്കാം. എവിടെ പാര്‍ക്ക് ചെയ്യണമെന്ന് അറിയാതെ വാഹനമെടുത്ത് ചുറ്റിക്കറങ്ങേണ്ട അവസ്ഥയ്ക്ക് ഇനിയില്ല. നഗരസഭയുടെ പുതിയ പദ്ധതിപ്രകാരം ക്യൂആര്‍ കോഡ് സ്‌കാന്‍ ചെയ്താല്‍ സമീപത്തെ പാര്‍ക്കിങ് സ്ഥലങ്ങളുടെ വിവരം ലഭിക്കും.
ശബരിമല സീസണ്‍ മുന്നൊരുക്കത്തിന്റെ ഭാഗമായി നഗരസഭ സംഘടിപ്പിച്ച യോഗത്തിലാണ് ഈ സംവിധാനം നടപ്പാക്കാന്‍ തീരുമാനിച്ചത്. നഗരത്തിലെ പ്രധാന കേന്ദ്രങ്ങളില്‍ ക്യൂആര്‍ കോഡ് ബോര്‍ഡുകള്‍ സ്ഥാപിക്കും. വൃശ്ചികം ഒന്നിനുമുമ്പ് ഈ സംവിധാനം പ്രാവര്‍ത്തികമാക്കും.
സീസണിനിടയില്‍ ഗുരുവായൂരിലെ ഔട്ടര്‍ റിങ് റോഡില്‍ മുഴുവന്‍ വാഹനങ്ങള്‍ക്കും വണ്‍വേ നിയന്ത്രണം ഏര്‍പ്പെടുത്തും. ഇപ്പോഴത്തേക്ക് ചെറുവാഹനങ്ങള്‍ക്കാണ് ഇളവ്.
മഞ്ജുളാല്‍-ക്ഷേത്രം റോഡില്‍ രാവിലെ ഏഴുമുതല്‍ രാത്രി ഏഴുവരെയുള്ള സമയത്ത് വഴിയോരക്കച്ചവടം നിരോധിച്ചു. നഗര ഉപജീവന മിഷന്‍ തിരിച്ചറിയല്‍ കാര്‍ഡ് ഉള്ളവരെ മാത്രമേ കച്ചവടത്തിന് അനുവദിക്കൂ.
പുതിയ പാര്‍ക്കിങ് ക്രമീകരണങ്ങള്‍:
തെക്കേനടയിലെ പഴയ ദേവസ്വം ക്വാര്‍ട്ടേഴ്‌സ് സ്ഥലം ഹെവി വാഹന പാര്‍ക്കിങ് ഏരിയയാക്കി മാറ്റും.
മഞ്ജുളാല്‍ മുതല്‍ ക്ഷേത്രനട വരെയുള്ള ഭാഗത്ത് ഇരുചക്രവാഹനങ്ങള്‍ നിര്‍ത്താന്‍ വിലക്ക്.
ഇവയ്ക്ക് അമ്പാടി പാര്‍ക്കിനോട് ചേര്‍ന്ന സ്ഥലത്ത് പാര്‍ക്കിങ് സൗകര്യം ഒരുക്കും.
നഗര ശുചീകരണത്തിനായി നഗരസഭ 2000 തൊഴിലാളികളെ നിയോഗിക്കും. അതേസമയം, ദേവസ്വം ആശുപത്രിയില്‍ അടിയന്തര ചികിത്സാ സൗകര്യങ്ങളും വര്‍ധിപ്പിക്കുമെന്ന് ദേവസ്വം അഡ്മിനിസ്ട്രേറ്റര് ഒ.ബി. അരുണ്‍കുമാര്‍ അറിയിച്ചു.
തെക്കേനടയില്‍ പഴയ ദേവസ്വം ക്വാര്‍ട്ടേഴ്‌സ് സ്ഥലം ഹെവി വാഹനങ്ങള്‍ക്കുള്ള പാര്‍ക്കിങ് സ്ഥലമാക്കും. മഞ്ജുളാല്‍ മുതല്‍ ക്ഷേത്രനട വരെ ഇരുചക്രവാഹനങ്ങള്‍ നിര്‍ത്താന്‍ അനുവദിക്കില്ല.
അമ്പാടി പാര്‍ക്കിനോട് ചേര്‍ന്നുള്ള സ്ഥലത്താണ് നിര്‍ത്തേണ്ടത്. ശുചീകരണമുള്‍പ്പെടെയുള്ള ജോലികള്‍ക്കായി നഗരസഭ 2000 തൊഴിലാളികളെ നിയോഗിക്കും.
അടിയന്തരചികിത്സയ്ക്കായി ദേവസ്വം ആശുപത്രിയില്‍ കൂടുതല്‍ സൗകര്യമൊരുക്കുമെന്ന് ദേവസ്വം അഡ്മിനിസ്ട്രേറ്റര് ഒ ബി അരുണ്‍കുമാര്‍ അറിയിച്ചു.
English Summary:
Parking in Guruvayur will become easier with a new QR code system introduced by the municipal council. By scanning QR codes placed at major points in the temple town, visitors can locate available parking spaces. The system will be operational before the start of the Sabarimala season. One-way traffic will be implemented on the Outer Ring Road, and street vending will be restricted in key areas. Heavy vehicles will have designated parking at the old Devaswom quarters, while two-wheelers will park near Ambadi Park. Around 2,000 workers will be deployed for sanitation, and emergency facilities at the Devaswom Hospital will be enhanced.
guruvayur-qr-code-parking-system
Guruvayur, parking, QR code, municipality, Sabarimala season, traffic regulation, Devaswom, Thrissur
