ഗുരുവായൂർ: പ്രസിദ്ധമായ ഗുരുവായൂർ ശ്രീകൃഷ്ണക്ഷേത്രത്തിലെ ഏകാദശി ദിന വഴിപാടിന്റെ പേരിൽ ഭക്തരെ തെറ്റിദ്ധരിപ്പിച്ച്
പണം തട്ടാൻ ശ്രമിക്കുന്ന സംഘങ്ങളോടും വ്യാജ വെബ്‌സൈറ്റുകളോടും ജാഗ്രത പുലർത്തണമെന്ന് ഗുരുവായൂർ ദേവസ്വം ബോർഡ് മുന്നറിയിപ്പ് നൽകി.
അടുത്തിടെ വഴിപാട് ചെയ്ത് തരാമെന്ന് വാഗ്ദാനം ചെയ്യുന്ന നിരവധി വെബ്‌സൈറ്റുകൾ പ്രവർത്തിക്കുന്നുവെന്ന് ശ്രദ്ധയിൽപ്പെട്ടതോടെയാണ് ദേവസ്വം ഭക്താക്കളെ ആൺലൈൻ തട്ടിപ്പുകളിൽ നിന്നും സംരക്ഷിക്കാനുള്ള പ്രത്യേക മുന്നറിയിപ്പ് ഇറക്കിയത്.
ഏകാദശി ദിനം: ഉദയാസ്തമന പൂജ ദേവസ്വം മാത്രം നടത്തുന്നതെന്ന് സ്ഥിരീകരണം
ഏകാദശി ദിവസത്തെ ഏറ്റവും പ്രധാനപ്പെട്ട വഴിപാടായ ഉദയാസ്തമന പൂജ ദേവസ്വത്തിനുവേണ്ടിയാണ് നടത്താറുള്ളത്.
ഈ പൂജയിൽ വ്യക്തിഗതമായി വഴിപാടുകൾ സ്വീകരിക്കാനോ ആരുടേയെങ്കിലും പേരിൽ നടത്തിക്കൊടുക്കാനോ പതിവില്ലെന്നും ദേവസ്വം വ്യക്തമാക്കി.
സഹസ്രനാമാർച്ചനയും പ്രസാദ വിതരണവും ആ ദിവസം പതിവല്ല: ദേവസ്വം വിശദീകരണം
കൂടാതെ, ഏകാദശി ദിവസം ഭക്തർ ഏറെ ആഗ്രഹിക്കുന്ന വിഷ്ണു സഹസ്രനാമാർച്ചനയോ അതിന്റെ പ്രസാദ വിതരണമോ ആ ദിവസം ക്ഷേത്രക്രമത്തിൽ ഉള്‍പ്പെടുത്തിയിട്ടുള്ളതല്ല.
ഇതിനെക്കുറിച്ച് തെറ്റിദ്ധാരണ പരത്തി ഭക്തരിൽ നിന്ന് പണം തട്ടുന്ന പ്രവർത്തനങ്ങളോട് കടുത്ത നിലപാട് സ്വീകരിക്കുമെന്ന് ദേവസ്വം അറിയിച്ചു.
അനാശാസ്യത്തിന് അറസ്റ്റിലായ യുവതിയെ ഭീഷണിപ്പെടുത്തി പീഡിപ്പിച്ചു; ഡിവൈഎസ്പി എ ഉമേഷ് അവധിയില്‍
ദേവസ്വം അഡ്മിനിസ്ട്രേറ്റർ വ്യക്തമാക്കുന്നതുപ്രകാരം, ഗുരുവായൂരുമായി ബന്ധമുണ്ടെന്ന് അവകാശപ്പെടുന്ന വ്യാജ വെബ്‌സൈറ്റുകളും സോഷ്യൽ മീഡിയ പേജുകളും ഭക്തരുടെ വിശ്വാസത്തെ ചൂഷണം ചെയ്ത് പണം പിരിക്കുന്നു.
ഈ വെബ്‌സൈറ്റുകളോടും അത്തരത്തിലുള്ള ഇടനിലക്കാരോടും ഇടപെടരുതെന്ന് അദ്ദേഹം നിർദേശിച്ചു.
ഔദ്യോഗിക പോർട്ടലുകൾ മാത്രം ഉപയോഗിക്കണമെന്ന് ദേവസ്വത്തിന്റെ നിർദേശം
വഴിപാടുകൾ സ്വീകരിക്കാനും പരിശോധന നടത്താനും ദേവസ്വത്തിനുള്ള ഔദ്യോഗിക പോർട്ടലും കൗണ്ടറുകളും മാത്രമാണ് ഉപയോഗിക്കേണ്ടതെന്നും ഭക്താക്കൾക്ക് അദ്ദേഹം വീണ്ടും ഓർമ്മപ്പെടുത്തി.
തട്ടിപ്പ് പരാതികൾ ഉയർന്നുവരുന്നതിനാൽ ഇത്തരം വ്യാജ വെബ്‌സൈറ്റുകൾക്കെതിരെ നിയമ നടപടികൾ ആരംഭിക്കുന്നതായും ഗുരുതരമായ തട്ടിപ്പിന് പിന്നിൽ പ്രവർത്തിക്കുന്ന സംഘങ്ങളെ കണ്ടെത്താൻ സൈബർ വിഭാഗത്തിന്റെ സഹായം തേടുമെന്നും ദേവസ്വം അറിയിച്ചു.
ഭക്തരുടെ വിശ്വാസത്തെ ദുരുപയോഗം ചെയ്യാൻ ശ്രമിക്കുന്നവരെ ഒഴിവാക്കാൻ എല്ലാവരും ജാഗ്രത പുലർത്തണം എന്നും ദേവസ്വം നിർദേശിച്ചു.
English Summary
Guruvayur Devaswom Board has issued a warning against fraudulent websites and groups promising to perform special Ekadashi offerings at the temple in exchange for money. The board clarified that the auspicious Udayasthamana Pooja on Ekadashi is conducted exclusively by the Devaswom and that Vishnu Sahasranama Archana or prasadam distribution is not part of the day’s rituals. Strict legal action will be taken against websites misleading devotees.
