TOP NEWS
തിരുവനന്തപുരം: വയനാട് ദുരന്തത്തിന്റെ പശ്ചാത്തലത്തിൽ സ്വാതന്ത്ര്യ ദിനം പ്രമാണിച്ച് രാജ്‍ഭവനിൽ നടത്താറുള്ള സല്‍ക്കാര പരിപാടി വേണ്ടെന്നു വച്ച് ഗവർണർ ആരിഫ് മുഹമ്മദ് ഖാൻ. എല്ലാ വർഷവും ഓഗസ്റ്റ് 15-ന് വൈകിട്ട് നടത്താറുള്ള ‘അറ്റ് ഹോം’ പരിപാടി ആണ് റദ്ദാക്കിയത്. വയനാട് ജില്ലയിലെ സാഹചര്യം പരിഗണിച്ചാണ് തീരുമാനമെന്ന് രാജ്ഭവൻ അറിയിച്ചു.(governor cancel independence day celebration at rajbhavan)
മുഖ്യമന്ത്രിയുടെ ദുരിതാശ്വാസനിധിയിലേക്ക് ഗവർണർ ആരിഫ് മുഹമ്മദ് ഖാൻ അഞ്ച് ലക്ഷം രൂപ സംഭാവന നൽകി. പ്രതിപക്ഷ നേതാവ് വി ഡി സതീശൻ ഒരു ലക്ഷം രൂപയും നൽകി. നടൻ പ്രഭാസ് രണ്ട് കോടി രൂപ സംഭാവന നൽകി. കേരളം നേരിട്ട ഏറ്റവും വലിയ ദുരന്തമാണ് വയനാട്ടിൽ സംഭവിച്ചതെന്നും ഈ സാഹചര്യത്തിൽ എല്ലാവരും കേരളത്തിനൊപ്പം നിലകൊള്ളണമെന്നും പ്രഭാസ് പറഞ്ഞു.
പ്രധാനമന്ത്രി ദുരന്തഭൂമിലേക്ക്; ക്യാമ്പുകൾ സന്ദർശിക്കും
