സൗജന്യ പബ്ലിക് വൈ-ഫൈ വേണ്ട; സുരക്ഷാ മുന്നറിയിപ്പുമായി ഗൂഗിൾ
തിരുവനന്തപുരം ∙ യാത്രാമധ്യേയും കഫേകൾ, ഹോട്ടലുകൾ പോലുള്ള പൊതു ഇടങ്ങളിലും സൗജന്യ പബ്ലിക് വൈ-ഫൈ ഇപ്പോൾ സാധാരണമായി ലഭിക്കുന്ന പ്രധാന സൗകര്യമാണ്.
ഡാറ്റ ചെലവ് ലാഭിക്കാനും സന്ദേശങ്ങൾ പരിശോധിക്കാനും, വീഡിയോ സ്ട്രീമിംഗിനും, ഓൺലൈൻ പേയ്മെന്റുകൾക്കും ഈ സേവനം പലർക്കും ഏറെ സഹായകരമാണ്.
എന്നാൽ, ആൻഡ്രോയ്ഡ് ഉപയോക്താക്കൾ പൊതുവായി ഉപയോഗിക്കുന്ന വൈ-ഫൈ നെറ്റ്വർക്കുകളെക്കുറിച്ച് ജാഗ്രത പാലിക്കണമെന്ന് ഗൂഗിൾ മുന്നറിയിപ്പ് നൽകി.
സുരക്ഷിതമല്ലാത്ത പബ്ലിക് നെറ്റ്വർക്കുകൾ സൈബർ ആക്രമണങ്ങൾക്കും ഡാറ്റ മോഷണത്തിനും വഴിയൊരുക്കുമെന്ന് കമ്പനി വ്യക്തമാക്കുന്നു.
അതിനാൽ തോന്നുന്നിടത്തൊക്കെ കണക്റ്റ് ചെയ്യാതെ, സുരക്ഷിതമായ ഇടങ്ങളിൽ മാത്രമേ ഇത്തരം നെറ്റ്വർക്കുകൾ ഉപയോഗിക്കണമെന്നതാണ് നിർദേശം.
പബ്ലിക് വൈ-ഫൈ ഉപയോഗിക്കുമ്പോൾ ഉണ്ടാകുന്ന പ്രധാന അപകടങ്ങൾ
ഡാറ്റ ഇന്റർസെപ്ഷൻ: ഹാക്കർമാർ ലോഗിൻ, ഇമെയിൽ, പേയ്മെന്റ് വിവരങ്ങൾ പിടിച്ചെടുക്കാൻ സാധ്യത.
മാൻ-ഇൻ-ദി-മിഡിൽ ആക്രമണം: വ്യാജ വെബ്സൈറ്റുകളിലേക്ക് റീഡയറക്ട് ചെയ്ത് പാസ്വേഡുകൾ ചോർത്താം.
മാൽവെയർ ഭീഷണി: സുരക്ഷിതമല്ലാത്ത നെറ്റ്വർക്കുകളിൽ നിന്ന് ഫയലുകൾ ഡൗൺലോഡ് ചെയ്യുമ്പോൾ ഉപകരണം അണുബാധയിലാകാം.
വ്യാജ ഹോട്ട്സ്പോട്ടുകൾ: യഥാർത്ഥ പേര് ഉപയോഗിച്ച് വ്യാജ നെറ്റ്വർക്ക് സൃഷ്ടിച്ച് ഡാറ്റ മോഷണം നടത്താം.
സുരക്ഷിതമായി തുടരാനുള്ള മാർഗങ്ങൾ
പബ്ലിക് വൈ-ഫൈ പരമാവധി ഒഴിവാക്കുക.
ബ്രൗസിംഗിനായി മൊബൈൽ ഡാറ്റ അല്ലെങ്കിൽ വ്യക്തിഗത ഹോട്ട്സ്പോട്ട് ഉപയോഗിക്കുക.
ഉപയോഗിക്കേണ്ട സാഹചര്യമുണ്ടെങ്കിൽ VPN ഉപയോഗിച്ച് കണക്ഷൻ എൻക്രിപ്റ്റ് ചെയ്യുക.
സന്ദർശിക്കുന്ന വെബ്സൈറ്റുകൾ HTTPS ഉപയോഗിക്കുന്നതെന്ന് ഉറപ്പാക്കുക.
ബാങ്കിംഗ്, ഓൺലൈൻ ഷോപ്പിംഗ് പോലുള്ള സെൻസിറ്റീവ് പ്രവർത്തനങ്ങൾ ഒഴിവാക്കുക.
ടു-ഫാക്ടർ ഓതന്റിക്കേഷൻ സജീവമാക്കുക.
ഓട്ടോ-കണക്റ്റ് വൈ-ഫൈ ഓഫാക്കുക.
നെറ്റ്വർക്കിന്റെ വിശ്വാസ്യത പരിശോധിച്ച് വ്യാജ ഹോട്ട്സ്പോട്ടുകളിൽ നിന്ന് വഴിവിട്ട് നിൽക്കുക.
എന്നാൽ ഗൂഗിൾ ആൻഡ്രോയ്ഡ് ഉപയോക്താക്കൾക്ക് പൊതു വൈ-ഫൈ നെറ്റ്വർക്ക് ഉപയോഗത്തിനെതിരെ മുന്നറിയിപ്പ് നൽകിയിരിക്കുകയാണ് ഗൂഗിൾ.
സൗജന്യ നെറ്റ്വർക്ക് എളുപ്പത്തിൽ സൈബർ ആക്രമണങ്ങൾക്കും ഡാറ്റ മോഷണത്തിനും വഴി തുറക്കുമെന്നും, അതുകൊണ്ട് സുരക്ഷിതമായ സാഹചര്യങ്ങളിൽ മാത്രമേ അത് ഉപയോഗിക്കണമെന്നും കമ്പനി അഭിപ്രായപ്പെട്ടു.
English Summary
Public Wi-Fi has become widely available in places like cafes, hotels, and travel hubs, offering convenience for browsing, streaming, and payments. However, Google has warned Android users against using insecure public Wi-Fi networks due to high risks of cyberattacks and data theft.
Key threats include data interception, man-in-the-middle attacks, malware infections, and fake hotspots. To stay safe, users are advised to avoid public Wi-Fi when possible, use mobile data or personal hotspots, enable VPN, check for HTTPS sites, avoid sensitive transactions, enable two-factor authentication, disable auto-connect, and verify the network’s authenticity.
google-warning-public-wifi-security-android-users
public wifi, google warning, android security, cyber safety, data protection, vpn, cybersecurity tips, fake hotspots, online safety
