കൊച്ചി: സംസ്ഥാനത്ത് സ്വർണവില പുതിയ റെക്കോർഡിൽ. ഒരു പവൻ സ്വർണത്തിന്റെ വില 65,000 ത്തിനു തൊട്ടരികിലാണ്. ഇന്ന് 440 രൂപയാണ് ഒരു പവന് കൂടിയത്. ഇതോടെ ഒരു പവൻ സ്വര്ണത്തിന്റെ വില 64,960 രൂപയായി ഉയർന്നു.
ഒരു ഗ്രാം സ്വർണത്തിന് 55 രൂപയാണ് വര്ധിച്ചത്. ഇതോടെ ഒരു ഗ്രാം സ്വര്ണത്തിന്റെ വില 8120 രൂപയിലെത്തി. മാർച്ച് മാസത്തിന്റെ തുടക്കത്തില് തന്നെ ഒരു പവന് സ്വര്ണത്തിന്റെ വില 63,520 രൂപയായിരുന്നു. പിന്നീടുള്ള ദിവസങ്ങളിൽ വില ഉയരുകയാണ് ചെയ്തത്. ഓഹരി വിപണിയിലെ ചലനങ്ങളും രാജ്യാന്തര വിപണിയിലെ മാറ്റങ്ങളുമാണ് വിപണിയില് പ്രകടമാകുന്നത്.
സംസ്ഥാനത്ത് ജനുവരി 22നാണ് ചരിത്രത്തില് ആദ്യമായി സ്വർണവില അറുപതിനായിരം കടന്നത്. അവിടെന്ന് നിന്ന് ദിവസങ്ങള്ക്കകം 64,000 കടന്ന് സ്വര്ണവില കുതിക്കുകയാണ് ചെയ്തത്. നിലവിലെ റെക്കോര്ഡ് ഭേദിച്ച് സ്വര്ണവില 65,000 തൊടുമോ എന്നതാണ് നിലവിലെ ചർച്ച.
രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്. അതേസമയം സ്വർണവില വർധിക്കുന്നതോടെ ആശങ്കയിലാണ് വിവാഹപാർട്ടിക്കാർ. 106.9 രൂപയാണ് ഒരു ഗ്രാം വെള്ളിയുടെ വില.
