കൊച്ചി: കഴിഞ്ഞ ദിവസത്തെ വില കുതിപ്പിന് ശേഷം സംസ്ഥാനത്ത് ഇന്ന് സ്വർണവില കുറഞ്ഞു. ഒരു പവൻ സ്വർണത്തിനു 240 രൂപയാണ് കുറഞ്ഞത്. ഒരു പവൻ സ്വർണത്തിന്റെ വിപണി വില 53800 രൂപയിലെത്തി. ഗ്രാമിന് 30 രൂപ കുറഞ്ഞ് 6,725 രൂപയിലുമാണ് ഇന്നത്തെ വ്യാപാരം പുരോഗമിക്കുന്നത്.
അക്ഷയ തൃതീയ ദിനമായ ഇന്നലെ രണ്ട് തവണയായി 680 രൂപയാണ് സ്വർണത്തിന് വർധിച്ചത്. ഈ മാസം ആദ്യം സ്വർണ വിലയിൽ ഇടിവ് രേഖപ്പെടുത്തിയിരുന്നു. മെയ് ഒന്നിന് 800 രൂപ ഇടിഞ്ഞ് 52440 രൂപയായിരുന്നു പവന് വില. എന്നാൽ അടുത്ത ദിവസം വീണ്ടും വില വർധിച്ച് പവന് വില 53,000 ആയി. തുടർന്നുള്ള ദിവസങ്ങളിൽ 52,600, 52,680, 52,840 എന്നിങ്ങനെയായിരുന്നു ഒരു പവൻ സ്വർണവില. മെയ് 7 ന് വീണ്ടും വില വർധിച്ച് 53,080 രൂപയിലെത്തി. തുടർന്ന് ബുധനാഴ്ച വില കുറഞ്ഞ് വീണ്ടും 53,000 ത്തിലെത്തുകയായിരുന്നു.
ഓരോ ദിവസത്തെയും ഡോളർ വില, രൂപയുടെ വിനിമയ നിരക്ക്, മുംബൈയിൽ ലഭ്യമാകുന്ന സ്വർണത്തിൻ്റെ നിരക്കുകൾ എന്നിവയെല്ലാം അടിസ്ഥാനപ്പെടുത്തിയാണ് സ്വർണ വില രേഖപ്പെടുത്തുന്നത്. ഓൾ കേരള ഗോൾഡ് ആൻഡ് സിൽവർ മർച്ചന്റ്സ് അസോസിയേഷൻ’ (എകെജിഎസ്എംഎ) സംസ്ഥാന കമ്മിറ്റി നിശ്ചയിച്ചിട്ടുള്ള മൂന്ന് അംഗ കമ്മിറ്റിയാണ് സംസ്ഥാനത്ത് സ്വർണ വില രേഖപ്പെടുത്തുക.
Read Also: അറബിക്കടലിലെ സ്രാവുകളും തിരണ്ടികളും; സംയുക്ത ഗവേഷണം നടത്താന് ഇന്ത്യയും ഒമാനും കൈകോര്ക്കുന്നു
