തിരുവനന്തപുരം: തിരുവനന്തപുരം പാളയം യൂണിവേഴ്സിറ്റി മെൻസ് ഹോസ്റ്റലിൽ നിന്ന് കഞ്ചാവ് പിടികൂടി. എക്സൈസ് നടത്തിയ റെയ്ഡിൽ 20 ഗ്രാം കഞ്ചാവ് ആണ് പിടികൂടിയത്. സംഭവത്തിൽ തമിഴ്നാട് സ്വദേശിയെ എക്സൈസ് കസ്റ്റഡിയിലെടുത്തു.
കേരള യൂണിവേഴ്സിറ്റി ഹോസ്റ്റലിലെ 15 മുറികളിലാണ് പരിശോധന നടത്തിയത്. 455 ആം മുറിയിൽ നിന്നാണ് കഞ്ചാവ് പിടികൂടിയത്.കളമശ്ശേരി ഗവ. പോളിടെക്നിക് ഹോസ്റ്റലില്‍ നിന്ന് കഞ്ചാവ് പിടികൂടിയ സംഭവത്തിന് പിന്നാലെയാണ് കേരള യൂണിവേഴ്സിറ്റി ഹോസ്റ്റലിലും കഞ്ചാവ് പിടികൂടിയത്.
കേരള യൂണിവേഴ്സിറ്റിക്ക് കീഴിലെ നിരവധി വിദ്യാര്‍ത്ഥികള്‍ ഈ ഹോസ്റ്റലിൽ താമസിക്കുന്നുണ്ട്. രഹസ്യ വിവരത്തെ തുടര്‍ന്ന് എക്സൈസ് സംഘം മിന്നൽ പരിശോധന നടത്തുകയായിരുന്നു.
70ലധികം മുറികളുള്ള വലിയ ഹോസ്റ്റലാണിത്. ഹോസ്റ്റലിലെ ഒരു മുറിയിൽ നിന്ന് 20 ഗ്രാം കഞ്ചാവാണ് പിടികൂടിയത്.
ജനസേവനകേന്ദ്രത്തില്‍ എംപുരാന്റെ വ്യാജ പ്രിന്റ്; യുവതി കസ്റ്റഡിയിൽ
