മലപ്പുറം: ചങ്ങരംകുളത്ത് മദ്യലഹരിയിൽ മാരകായുധങ്ങളുമായി എത്തിയ സംഘം യുവാക്കളെ ആക്രമിച്ചു. മൂന്ന് പേർക്ക് പരിക്കേറ്റു. കോൺഗ്രസ് പ്രവർത്തകനായ ഉദിൻ പറമ്പ് സ്വദേശി വടക്കേയിൽ സുബൈർ 45), ഉദിൻ പറമ്പ് സ്വദേശി റാഫി (39), ഉദിൻ പറമ്പ് സ്വദേശി ലബീബ് (21) എന്നിവരാണ് ആക്രമണത്തിന് ഇരയായത്.
ലഹരി സംഘം ആൾക്കൂട്ടത്തിലേക്ക് വാഹനം ഇടിച്ചു കയറ്റുകയായിരുന്നു. തുടർന്ന് കോൺഗ്രസ് പ്രവത്തകനായ സുബൈറിനെ വാൾ കൊണ്ട് തലക്ക് വെട്ടിപരിക്കേൽപ്പിച്ചു. തടയാൻ ശ്രമിച്ച റാഫിയെ ഇരുമ്പ് വടി കൊണ്ട് കഴുത്തിന് പുറക് വശത്ത് അടിക്കുകയായിരുന്നു.
അക്രമം നടത്തി തിരിച്ചു പോകുന്ന വഴി ലബീബിനെ വാഹനം ഇടിച്ച് തെറിപ്പിക്കുകയും ചെയ്തു. പരിക്കേറ്റ മൂന്ന് പേരെയും ചങ്ങരംകുളത്തെ ഓർക്കിഡ് ആശുപത്രിയിൽ പ്രവേശിപ്പിച്ചു. പൊലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്.
