ഒരാൾ മുങ്ങുന്നതുകണ്ടു മറ്റുള്ളവരും ഇറങ്ങി; വെള്ളം സംഭരിക്കുന്ന വലിയ ടാങ്കിൽ മുങ്ങി നാലു കുട്ടികൾക്ക് ദാരുണാന്ത്യം

വെള്ളം സംഭരിക്കുന്ന വലിയ ടാങ്കിൽ മുങ്ങി നാലു കുട്ടികൾ മരിച്ചു. കര്‍ണാടകയിലെ ഹസനില്‍ ആണ് ദാരുണ സംഭവം. ഹസനിലെ ആളൂർ താലൂക്കിലെ മുത്തിഗെ ഗ്രാമത്തിലാണ് നാടിനെ നടുക്കിയ ദുരന്തം ഉണ്ടായത്. ജീവൻ (13), പ്രിത്ഥ്വി(12), വിശ്വ(12), സാത്വിക്(11) എന്നീ കുട്ടികൾ ആണ് മരിച്ചത്. നാല് പേരും ആളൂർ സ്വദേശികളാണ്. ഗ്രാമത്തിൽ വെള്ളം സംഭരിക്കുന്ന വലിയ ടാങ്കിൽ ഉച്ചയോടെ കുളിക്കാൻ ഇറങ്ങിയതായിരുന്നു കുട്ടികൾ. ഇതിനിടെ ഒരു കുട്ടി മുങ്ങിപ്പോയി. ഇതു കണ്ട മറ്റു മൂന്നു കുട്ടികളും മുങ്ങിയ കുട്ടിയെ രക്ഷിക്കാനായി ഇറങ്ങുകയും അപകടത്തിൽ പെടുകയുമായിരുന്നു എന്നാണ് പ്രദേശവാസികൾ പറയുന്നത്. പോലീസ് സ്ഥലത്തെത്തി മൃതദേഹങ്ങൾ ആശുപത്രിയിലേക്ക് മാറ്റി.

Read also: പിണക്കം സംസാരിച്ചു തീർക്കാമെന്ന് പറഞ്ഞു വിശ്വസിപ്പിച്ച് ഭാര്യയെ വിളിച്ചുവരുത്തി; വനത്തിലേക്ക് കൊണ്ട് പോയി  ക്രൂരമായി ആക്രമിച്ച് ഭർത്താവ്; അറസ്റ്റിൽ