എഡിജിപി മഹിപാൽ യാദവ് അന്തരിച്ചു

തിരുവനന്തപുരം: കേരള‌ത്തിന്റെ മുൻ എക്സൈസ് കമ്മീഷണറായിരുന്ന എഡിജിപി മഹിപാൽ യാദവ് അന്തരിച്ചു.

ബ്രെയിൻ ട്യൂമർ ബാധിച്ച് ചികിത്സയിലിരിക്കെ രാജസ്ഥാനിൽ വെച്ചാണ് മരണം സംഭവിച്ചത്. ഈ മാസം മുപ്പതിന് സർവീസിൽ നിന്നും വിരമിക്കാനിരിക്കെയാണ് മഹിപാൽ യാദവ് മരിച്ചത്.

ഇന്ന് (ബുധനാഴ്ച്ച) വൈകിട്ട് നാലു മണിക്ക് ഓൺലൈൻ യാത്രയയപ്പ് നൽകാനുള്ള ഒരുക്കത്തിലായിരുന്നു സഹപ്രവർത്തകർ.

ഇതിനിടെയാണ് മഹിപാൽ യാദവിന്റെ മരണവിവരം ബന്ധുക്കൾ കേരള പൊലീസിനെ അറിയിച്ചത്. രാജസ്ഥാൻ ആൾവാർ സ്വദേശിയാണ് മഹിപാൽ യാദവ്.

ഈ മാസം 30ന് സർവീസിൽ നിന്നും വിരമിക്കാനിരിക്കെയാണ് അദ്ദേഹം മരിച്ചത് എന്നത് സഹപ്രവർത്തകരെ കൂടുതൽ വേദനിപ്പിക്കുന്നുവെന്നു പറയുന്നു.

ഇന്ന് (ബുധൻ) വൈകിട്ട് 4 മണിക്ക് സഹപ്രവർത്തകർ ഒരുക്കിയിരുന്ന ഓൺലൈൻ യാത്രയയപ്പ് ചടങ്ങിനിടെയാണ് മരണവാർത്ത എത്തിയത്.

സേവനജീവിതം

1997ലെ ഐ.പി.എസ് ബാച്ചിൽപ്പെട്ട രാജസ്ഥാനിലെ ആൽവാർ സ്വദേശിയാണ് മഹിപാൽ യാദവ്. കേരളത്തിൽ നിരവധി പ്രധാനസ്ഥാനങ്ങളിൽ സേവനം അനുഷ്ഠിച്ചിട്ടുണ്ട്:

എക്‌സൈസ് കമ്മീഷണർ (2 വർഷം)

ക്രൈംസ് എഡിജിപി

എറണാകുളം റേഞ്ച് ഐജി

കേരള ബീവറേജസ് കോർപ്പറേഷൻ എം.ഡി

അതിർത്തി സുരക്ഷാ സേന (BSF) ഐജി (കേന്ദ്ര ഡെപ്യൂട്ടേഷൻ)

സി.ബി.ഐ. സേവനകാലത്ത് അദ്ദേഹം അഗസ്റ്റ വെസ്റ്റ്‌ലാൻഡ് ഹെലികോപ്റ്റർ അഴിമതിയും സമാജ് വാദി പാർട്ടി നേതാവ് മുലായം സിംഗ് യാദവിന്റെ അനധികൃത സ്വത്ത് കേസും ഉൾപ്പെടെ ഹൈപ്രൊഫൈൽ കേസുകൾ അന്വേഷിച്ചിരുന്നു.

2013-ൽ പ്രസിഡന്റിന്റെ വിശിഷ്ട സേവനത്തിനുള്ള പോലീസ് മെഡൽ നേടിയിട്ടുണ്ട്.

കേരള ഐപിഎസ് ഉദ്യോ​ഗസ്ഥർക്കിടയിലെ സൗമ്യമുഖമായിരുന്നു മഹിപാൽ യാദവ്. ക്രൈംസ് എഡിജിപിയായി ചുമതലേയറ്റെങ്കിലും അനാരോ​ഗ്യം കാരണം അവധിയെടുത്ത് ചികിത്സയ്ക്കായി പോകുകയായിരുന്നു.

ബ്രെയിൻ ട്യൂമർ അടക്കമുള്ള അസുഖങ്ങൾ അദ്ദേഹത്തെ അലട്ടിയിരുന്നു. ഈ മാസം മുപ്പതിന് സർവീസിൽ നിന്നും വിരമിക്കുന്ന മഹിപാൽ യാദവിന് യാത്രയയപ്പ് ചടങ്ങിൽ എത്താനാകില്ലെന്ന് വ്യക്തമായതോടെയാണ് ഇന്ന് ഓൺലൈൻ യാത്രയയപ്പ് നൽകാൻ തീരുമാനിച്ചത്.

ക്രൈംസ് എഡിജിപിയായി ചുമതലയേറ്റതിന് പിന്നാലെ ആരോഗ്യപ്രശ്‌നങ്ങൾ രൂക്ഷമായി. ബ്രെയിൻ ട്യൂമർ ബാധിതനായ അദ്ദേഹം ചികിത്സക്കായി രാജസ്ഥാനിലേക്ക് മടങ്ങുകയായിരുന്നു.

യാത്രയയപ്പ് ഓൺലൈനായി…

സേവനത്തിൽ നിന്നും വിരമിക്കുന്ന ഉദ്യോഗസ്ഥർക്കുള്ള യാത്രയയപ്പ് ചടങ്ങ് കേരള പോലീസിൽ പതിവാണ്. എന്നാൽ, മഹിപാൽ യാദവിന് നേരിട്ട് പങ്കെടുക്കാൻ കഴിയാത്തതിനാൽ ഓൺലൈൻ യാത്രയയപ്പ് നൽകാനായിരുന്നു തീരുമാനം.

ഇന്ന് വൈകുന്നേരം 4 മണിക്ക് പൊലീസ് ഹെഡ്ക്വാർട്ടേഴ്സ് ബോർഡ് റൂമിൽ യോഗം നടത്താനായിരുന്നു പദ്ധതി.

ഡിജിപി അടക്കമുള്ള ഉന്നത ഉദ്യോഗസ്ഥർ പങ്കെടുക്കാനായിരുന്നു തീരുമാനം.

ജയ്പൂരിൽ ചികിത്സയിലിരുന്ന മഹിപാൽ യാദവ് Zoom മീറ്റിംഗ് വഴി പങ്കെടുക്കുമെന്നുമായിരുന്നു പദ്ധതി.

സഹപ്രവർത്തകർക്ക് മീറ്റിംഗ് ഐഡിയും പാസ്‌വേർഡും നൽകിക്കഴിഞ്ഞിരുന്നു. എന്നാൽ, ചടങ്ങ് നടക്കുന്നതിന് മുമ്പുതന്നെ അദ്ദേഹത്തിന്റെ മരണവാർത്ത എത്തിയതാണ് എല്ലാവരെയും ഞെട്ടിച്ചത്.

സേവനകാലത്ത് നിരവധി മേഖലകളിൽ മികച്ച നേതൃത്വവും കാര്യക്ഷമതയും തെളിയിച്ച മഹിപാൽ യാദവിന്റെ മരണം കേരള പോലീസിനും സഹപ്രവർത്തകർക്കും വലിയ നഷ്ടമായി. വിരമിക്കുന്നതിന് മുമ്പ് തന്നെ മരണവുമായി വിട പറഞ്ഞത് സഹപ്രവർത്തകരെ ഏറെ ദുഃഖത്തിലാഴ്ത്തിയിരിക്കുകയാണ്.

English Summary:

Former Kerala Excise Commissioner & ADGP Mahipal Yadav passes away in Rajasthan due to brain tumor, just days before his retirement.