കുടുംബതർക്കം: ഭാര്യയെ നടുറോഡിൽ വെടിവെച്ചു കൊന്നു
ഫരീദാബാദ്: കുടുംബ തർക്കത്തെ തുടർന്ന് വേർപിരിഞ്ഞ് താമസിച്ചിരുന്ന ഭാര്യയെ ഭർത്താവ് നടുറോഡിൽ വെടിവച്ച് കൊലപ്പെടുത്തി. ശനിയാഴ്ചയാണ് പ്രദേശത്തെ നടുക്കിയ സംഭവം നടന്നത്.
ബിഹാർ സ്വദേശിനിയായ സംഗീത ദേവി (30)യാണ് കൊല്ലപ്പെട്ടത്. സംഭവത്തിനുശേഷം ഒളിവിൽ പോയ ഭർത്താവിനെ കണ്ടെത്താൻ പൊലീസ് തിരച്ചിൽ ശക്തമാക്കി.
ഭർത്താവുമായും ഭർതൃവീട്ടുകാരുമായും അകന്നു കഴിഞ്ഞിരുന്ന സംഗീത രണ്ട് മക്കളുമായി തനിച്ചായിരുന്നു താമസം. ഇരുവരുടെയും വിവാഹമോചന കേസ് കോടതിയിൽ നിലനിൽക്കുകയാണ്.
വെള്ളിയാഴ്ച രാത്രി ഭർത്താവും ബന്ധുക്കളും സംഗീതയുടെ വീട്ടിലെത്തിയെങ്കിലും അവർ വീട്ടിലുണ്ടായിരുന്നില്ല. മടങ്ങിപ്പോകുന്നതിനിടെ റോഡിലൂടെ നടന്നു വരികയായിരുന്ന സംഗീതയെ കണ്ട ഇവർ തടഞ്ഞുനിർത്തി.
വാക്കേറ്റം രൂക്ഷമായതോടെ ഭർത്താവ് കൈവശമുണ്ടായിരുന്ന തോക്കുപയോഗിച്ച് മൂന്ന് വെടിയുതിർത്തു.
രണ്ട് വെടിയുണ്ടകൾ ശരീരത്തിൽ തറച്ച സംഗീത സംഭവസ്ഥലത്ത് തന്നെ വീണു. വെടിയൊച്ച കേട്ട് നാട്ടുകാർ എത്തുന്നതോടെ പ്രതികൾ രക്ഷപ്പെട്ടു.
ഗുരുതരമായി പരുക്കേറ്റ സംഗീതയെ പിതാവും അയൽക്കാരും ചേർന്ന് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം പോസ്റ്റ്മോർട്ടത്തിനായി മാറ്റിയിട്ടുണ്ട്. കൊലപാതകക്കേസെടുത്ത പൊലീസ് പ്രതിയെ കണ്ടെത്താൻ അന്വേഷണം വ്യാപിപ്പിച്ചു.
English Summary:
A 30-year-old woman from Bihar was shot dead by her estranged husband on a road in Faridabad following a dispute. The accused fled after the attack, and police have launched a search operation.
faridabad-husband-shoots-wife-dead
Faridabad Crime, Murder Case, Domestic Violence, Bihar Woman, Crime News, Police Investigation
