പ്രമുഖ യൂട്യൂബറായ സ്വാതി ഗോദര കെട്ടിടത്തില് നിന്ന് ചാടി ആത്മഹത്യ ചെയ്തു. ബുധനാഴ്ചയാണ് സംഭവം. ഡൽഹിയിലെ മുഖര്ജി നഗറില് ഇവർ വാടകയ്ക്ക് താമസിച്ചിരുന്ന കെട്ടിടത്തിന്റെ രണ്ടാം നിലയില് നിന്ന് ചാടി സ്വാതി ജീവനൊടുക്കുകയായിരുന്നു. ഇവിടത്തെ മുറി നാലുമാസം മുൻപാണ് ഇവർ വാടകയ്ക്കെടുത്തത്. കെട്ടിട ഉടമയോട് താൻ പഠിത്തം പൂർത്തിയാക്കിയെന്നും ഇപ്പോൾ പൂർണസമയ യുട്യൂബർ എന്നുമാണ് പറഞ്ഞിരുന്നത്. സംഭവസമയത്ത് ഒപ്പമുണ്ടായിരുന്ന സുഹൃത്ത് പ്രിയം എന്നയാളെ പോലീസ് കസ്റ്റഡിയിലെടുത്തു. മരണത്തില് ബന്ധുക്കള് സംശയമൊന്നും പ്രകടിപ്പിച്ചിട്ടില്ലെന്നും മുറിയില് നിന്ന് ആത്മഹത്യാ കുറിപ്പൊന്നും കണ്ടെത്തിയിട്ടില്ലെന്നും അന്വേഷണസംഘം അറിയിച്ചു.
യു മീററ്റിലെ ബദ്ല സ്വദേശിയാണ് സ്വാതി. യുപിഎസ്സി പരീക്ഷയ്ക്ക് തയ്യാറെടുക്കാന് വേണ്ടി പത്തുവര്ഷം മുന്പാണ് ദില്ലിയില് എത്തിയത്. കഴിഞ്ഞ വര്ഷങ്ങളില് എല്ലാം പരീക്ഷയെഴുതിയെങ്കിലും വിജയിക്കാൻ സാധിച്ചില്ല. . ഇതിനിടെ യൂട്യൂബിലും ഇന്സ്റ്റഗ്രാമിലും വീഡിയോ പോസ്റ്റ് ചെയ്ത് തുടങ്ങുകയും ഹിറ്റാവുകയുമായിരുന്നു. ആത്മഹത്യയ്ക്ക് പിന്നിലെ കാരണം കണ്ടെത്താനുള്ള അന്വേഷണം തുടരുകയാണെന്നും സംഭവത്തില് ദൃക്സാക്ഷികളെയും സ്വാതിയുടെ സുഹൃത്തുക്കളെയും ചോദ്യം ചെയ്യുന്നത് തുടരുകയാണെന്നും പൊലീസ് അറിയിച്ചു.
