പുറപ്പെടാൻ തയ്യാറായ എയർ ഇന്ത്യ വിമാനത്തിന്റെഎൻജിനുകൾ തകരാറിലായി
തിരുവനന്തപുരത്ത് എൻജിനുകൾ തകരാറായതിനെ തുടർന്ന് തിരുവനന്തപുരത്ത് നിന്ന് ഡൽഹിയിലേക്ക് പുറപ്പെടേണ്ടിയിരുന്ന എയർഇന്ത്യവിമാനത്തിന്റെ യാത്ര റദ്ദാക്കി.
വിമാനത്തിന്റെ യാത്ര റദ്ദാക്കിയതോടെ യാത്രക്കാർ വിമാനത്താവളത്തിൽ ബഹളം വെച്ചു. 178 യാത്രക്കാരുമായി വെളളിയാഴ്ച രാത്രി 8.30- ന് പോകേണ്ടിയിരുന്ന എ.ഐ. 1830 എന്ന വിമാനമായിരുന്നു.
വിമാനം പുറപ്പെടുന്നതിന് മുമ്പ് എൻജിനുകൾക്ക് തകരാറുണ്ടെന്ന് കണ്ടെത്തിയതിനെ തുടർന്ന് ദീർഘ ദുരം യാത്രചെയ്യാനാവില്ലെന്ന് പൈലറ്റ് വിമാന ഏജൻസിയെയും എയർട്രാഫിക് കൺട്രോളിനെയും അറിയിച്ചു.
പുറപ്പെടാൻ തയ്യാറായ എയർ ഇന്ത്യ വിമാനത്തിന്റെഎൻജിനുകൾ തകരാറിലായി
തുടർന്ന് വിമാനം യാത്ര റദ്ദാക്കിയെന്നും അറിയിച്ചതോടെയാണ് യാത്രക്കാർ ബഹളമുണ്ടാക്കയത്. തുടർന്ന് മറ്റൊരു വിമാനം സജ്ജമാക്കണമെന്നും ആവശ്യപ്പെട്ടുവെങ്കിലും കഴിയില്ലെന്ന് വിമാനകമ്പനി അധികൃതർ പറഞ്ഞോടെ 30 ലധികം യാത്രക്കാർ വലിയ ബഹളമുണ്ടാക്കി.
തുടർന്ന് വിമാനത്താവള സുരക്ഷാസേനാധികൃതരും വിമാനകമ്പനിയുടെ പ്രതിനിധികളുമെത്തി യാത്രക്കാരുമായി സംസാരിച്ചു. 178 യാത്രക്കാരിൽ 100 ഓളം യാത്രക്കാർ തങ്ങളുടെ ലഗേജുകൾ തിരിച്ചെടുത്തു.
ദൂരത്തിലുളളവർക്ക് ഹോട്ടൽ സംവിധാനം സജ്ജമാക്കാമെന്ന് വിമാനകമ്പനി അധികൃതർ അറിയിച്ചു. സമ്മതിച്ചവരെ ഹോട്ടലുകളിലേക്ക് മാറ്റിയെന്നും അധികൃതർ പറഞ്ഞു.
