കൊച്ചി: എറണാകുളത്ത് വീടിന് തീയിട്ടതിനുശേഷം ഗൃഹനാഥൻ ആത്മഹത്യ ചെയ്തു. തൃപ്പൂണിത്തുറ പെരീക്കാട് ആണ് സംഭവം. പെരീക്കാട് സ്വദേശി പ്രകാശനാണ് (59) മരിച്ചത്.
ഇന്ന് പുലര്‍ച്ചെ 5 ഓടെയാണ് സംഭവം. വീടിനു തീയിട്ട ശേഷം പ്രകാശൻ വീടിന് പിന്നിൽ തൂങ്ങിമരിക്കുകയായിരുന്നു. തീപിടിത്തത്തിൽ പ്രകാശന്റെ മകൻ കരുണിന് പൊള്ളലേറ്റു. കുട്ടിയെ ആശുപത്രിയിൽ പ്രവേശിപ്പിച്ചിരിക്കുകയാണ്.
ആത്മഹത്യയുടെ കാരണം വ്യക്തമായിട്ടില്ല. ഒരു വർഷത്തോളമായി വാടക വീട്ടിൽ താമസിച്ചുവരികയായിരുന്നു പ്രകാശൻ. ഇയാളുടെ ഭാര്യ രാജേശ്വരി വഴക്കിനെ തുടര്‍ന്ന് വീട്ടില്‍നിന്നും മാറിയാണ് താമസിക്കുന്നത്. സംഭവത്തിൽ പൊലീസ് അന്വേഷണം ആരംഭിച്ചു.
താമരശ്ശേരി ചുരത്തില്‍ ലഹരി വിരുദ്ധ സമിതി പ്രവര്‍ത്തകര്‍ക്ക് നേരെ ആക്രമണം
കോഴിക്കോട്: താമരശ്ശേരി ചുരത്തില്‍ ലഹരി വിരുദ്ധ സമിതി പ്രവര്‍ത്തകര്‍ക്ക് നേരെ ആക്രമണം. താ മരശ്ശേരി ചുരം നാലാം വളവില്‍ വെച്ചാണ് സംഭവം.ആക്രമണത്തിൽ ഒൻപതുപേർക്ക് പരിക്കേറ്റു. ഇവരെ താമരശ്ശേരി താലൂക്ക് ആശുപത്രിയില്‍ പ്രവേശിപ്പിച്ചിരിക്കുകയാണ്.
ഏതാനും ദിവസങ്ങൾക്ക് മുൻപ് ദിവസങ്ങള്‍ക്ക് മുമ്പ് ചുരം നാലാം വളവിലെ കടക്കകത്തു നിന്നും യുവാക്കള്‍ ലഹരി വസ്തു ഉപയോഗിക്കുന്നത് ലഹരി വിരുദ്ധ സമിതി പ്രവര്‍ത്തകര്‍ എതിര്‍ത്തിരുന്നു. എന്നാൽ പിന്നെയും ഇത് ആവർത്തിച്ചപ്പോൾ ലഹരി വിരുദ്ധ സമിതി പ്രവര്‍ത്തകര്‍ ഇവരെ ചോദ്യം ചെയ്തു.
തുടർന്നാണ് ലഹരിവിരുദ്ധ സംഘത്തിന് നേരെ ആക്രമണമുണ്ടായത്. സംഘത്തിലെ രണ്ടു പേരെ ലഹരി ഉപയോഗിച്ചവരും ഇവര്‍ വിളിച്ചു വരുത്തിയ ആളുകളും ചേര്‍ന്ന് മര്‍ദിക്കുകയായിരുന്നു.
വിവരമറിഞ്ഞ് അടിവാരത്ത് നിന്നും കൂടുതല്‍ പ്രവര്‍ത്തകര്‍ ചുരത്തില്‍ എത്തുകയും അക്രമിസംഘവുമായി വാക്കേറ്റമുണ്ടാവുകയും തുടര്‍ന്ന് സംഘര്‍ഷത്തിലേക്ക് എത്തുകയും ചെയ്തു.
