കൊല്ലം: വെളിനല്ലൂരില് അമിതമായി പൊറോട്ട കഴിച്ച് അഞ്ച് പശുക്കൾ ചത്തു. വട്ടപ്പാറ ഹസ്ബുള്ളയുടെ ഫാമിലെ പശുക്കളാണ് ചത്തത്. ഒൻപത് പശുക്കൾ അവശനിലയിൽ കഴിയുകയാണ്.(Eating too much parotta five cows died)
പശുക്കൾക്ക് നൽകുന്ന തീറ്റയിൽ പൊറോട്ടയും ചക്കയും അമിതമായി ചേർത്തത് മൂലം വയര് കമ്പനം നേരിട്ട് പശുക്കള് ചാവുകയായിരുന്നുവെന്ന് മൃഗസംരക്ഷണ വകുപ്പ് സ്ഥിരീകരിച്ചു. സംഭവസ്ഥലം സന്ദർശിച്ച ക്ഷീരവകുപ്പ് മന്ത്രി കെ ചിഞ്ചു റാണി നഷ്ടപരിഹാരം നൽകുമെന്ന് ഉറപ്പ് നൽകിയിട്ടുണ്ട്. പശുക്കളുടെ തീറ്റയെ പറ്റി അവബോധം നൽകുമെന്നും മന്ത്രി പ്രതികരിച്ചു.
ജില്ലാ മൃഗസംരക്ഷണ ഓഫീസര് ഡോ.ഡി ഷൈന്കുമാറിന്റെ നേതൃത്വത്തില് വെറ്ററിനറി സര്ജന്മാരായ ജി മനോജ്, കെ മാലിനി, എം ജെ സേതുലക്ഷ്മി എന്നിവരടക്കുന്ന എമര്ജന്സി റെസ്പോണ്സ് ടീം എത്തിയാണ് ചത്ത പശുക്കളുടെ പോസ്റ്റ്മോർട്ടം നടത്തിയത്. അവശരായ പശുക്കൾക്ക് ചികിത്സ നൽകി.
Read Also: കുവൈറ്റ് തീപിടുത്തം; ജീവന് നഷ്ടമായ മൂന്ന് പേർക്ക് കൂടി വിട ചൊല്ലി ജന്മനാട്
Read Also: സൗദിയിൽ മലയാളി ഫുട്ബോൾ താരം പിടിയിൽ
