കുഞ്ഞുങ്ങളിലെ നാഡീസംബന്ധമായ പ്രശ്നങ്ങള് എത്രയും വേഗം തിരിച്ചറിയേണ്ടത് വളരെ പ്രധാനമാണ്. നവജാത ശിശുക്കളില് നാഡീസംബന്ധമായ പ്രശ്നങ്ങളുടെ ആദ്യ ലക്ഷണങ്ങള് പലപ്പോഴും തിരിച്ചറിയാതെ പോകാറുണ്ട്. ഒരു കുട്ടിയുടെ വളര്ച്ചയില് മാതാപിതാക്കള്ക്ക് ഈ ലക്ഷണങ്ങള് എങ്ങനെ തിരിച്ചറിയാമെന്ന് നോക്കാം.
അതുപോലെ തന്നെ കുഞ്ഞിന്റെ ആദ്യകാല പ്രവര്ത്തനങ്ങള് – ഇഴയുക, നടക്കുക, നില്ക്കുക തുടങ്ങിയ കാര്യങ്ങളില് കാലതാമസം ഉണ്ടാകുന്നത് നാഡീസംബന്ധമായ പ്രശ്നങ്ങള് മൂലമാകാം.
ആരോഗ്യപ്രശ്നങ്ങളൊന്നുമില്ലെങ്കിലും നിരന്തരമായി അസഹ്യമായ രീതിയിൽ കുഞ്ഞുങ്ങൾ കരയുന്നതും നാഡീസംബന്ധമായ പ്രശ്നത്തിന്റെ ലക്ഷണമാകാം.
പരന്നതോ ദൃഢമായതോ ആയ കൈകാലുകളും മന്ദഗതിയിലുള്ള വളര്ച്ചയും നാഡീസംബന്ധമായ പ്രശ്നങ്ങളെ സൂചിപ്പിക്കാം.
ജനിച്ച് രണ്ട് മാസമായിട്ടും കുഞ്ഞിന് അമ്മയുടെയോ മറ്റുളളവരുടെയോ മുഖം തിരിച്ചറിയാനുള്ള കഴിവില്ലായ്മയോ വസ്തുക്കളില് ശ്രദ്ധ കേന്ദ്രീകരിക്കാനുള്ള കഴിവില്ലായ്മയോ നാഡീസംബന്ധമായ പ്രശ്നത്തിന്റെ ലക്ഷണമാകാം.
അതുപോലെ കുഞ്ഞിന്റെ അസാധാരണമായ പെരുമാറ്റങ്ങള്, ഞെട്ടല്, കണ്ണുകള് ഉരുട്ടല് എന്നിവ ചിലപ്പോള് അപസ്മാരത്തിന്റെ ലക്ഷണമാകാം. കൂടാതെ ഭക്ഷണം കഴിക്കാനോ വിഴുങ്ങാനോ ബുദ്ധിമുട്ട് അനുഭവപ്പെടുന്നത് നാഡീസംബന്ധമായ പ്രശ്നങ്ങളുടെ ലക്ഷണമാകാം.
2-3 മാസത്തിനു ശേഷം കുഞ്ഞിന്റെ ചലനങ്ങളില് വരുന്ന മാറ്റങ്ങള്, അല്ലെങ്കില് പ്രതികരണശേഷി കുറയുന്നത് എന്നിവയും നാഡീസംബന്ധമായ പ്രശ്നങ്ങളെ സൂചിപ്പിക്കാം.
