കൊച്ചി: രാസമാലിന്യം ഒഴുക്കിയതിനെ തുടർന്ന് പെരിയാറിൽ മത്സ്യങ്ങള് കൂട്ടത്തോടെ ചത്തുപൊങ്ങി. ഇന്നലെ രാത്രിയിലാണ് സംഭവം. എടയാര് വ്യവസായ മേഖലയില് നിന്ന് പെരിയാറിലേക്ക് രാസമാലിന്യം ഒഴുക്കിയതാണ് മീനുകൾ ചാവാൻ കാരണമെന്ന് നാട്ടുകാര് ആരോപിച്ചു. ഇതുമൂലം ലക്ഷങ്ങളുടെ നഷ്ടമാണ് മത്സ്യകൃഷി നടത്തിയ കർഷകർക്ക് ഉണ്ടായത്.
പാതാളം റെഗുലേറ്റര് കം ബ്രിഡ്ജിനോട് ചേര്ന്നുള്ള ഭാഗങ്ങളിലാണ് ആദ്യം ചത്ത മത്സ്യങ്ങളെ കൂട്ടത്തോടെ കണ്ടത്. തുടര്ന്ന് കടമക്കുടി, ചേരാനെല്ലൂര് ഭാഗങ്ങളിലേക്കും വ്യാപിച്ചു. ഇവിടെ മത്സ്യകൃഷി ചെയ്തവര്ക്കാണ് നഷ്ടം ഉണ്ടായത്. ലക്ഷങ്ങള് മുടക്കിയാണ് കർഷകർ മീൻകൃഷി ആരംഭിച്ചത്. ശക്തമായ മഴയ്ക്കിടെ വ്യവസായ ശാലകളില് നിന്ന് പുഴയിലേക്ക് രാസമാലിന്യങ്ങള് ഒഴുക്കിയതിനെ തുടര്ന്നാണ് മീനുകള് ചത്തുപൊങ്ങിയത് എന്ന് നാട്ടുകാർ പറയുന്നു
രാസമാലിന്യം ഒഴുക്കിയതിനെതിരെ പ്രതിഷേധം ശക്തമാകുകയാണ് നാട്ടുകാർ. എന്നാൽ മത്സ്യങ്ങള് കൂട്ടത്തോടെ ചത്തൊടുങ്ങുമ്പോഴും അധികൃതര് ഇക്കാര്യത്തില് ഇതുവരെ ഇടപെട്ടിട്ടില്ലെന്നും നാട്ടുകാര് ആരോപിച്ചു.
Read Also: 21.05.2024. 11 AM . ഇന്നത്തെ പ്രധാനപ്പെട്ട 10 വാർത്തകൾ
Read Also: ആശ്വാസം! സ്വര്ണവിലയിൽ ഇടിവ്, 55,000ല് താഴെ; ഇന്നത്തെ വില അറിയാം
