കോടഞ്ചേരിയില് മദ്യപിച്ച് ലക്കുകെട്ട ദമ്പതിമാര് കുട്ടിയെ നടുറോഡില് മറന്നു. കോടഞ്ചേരിയില് തിങ്കളാഴ്ച രാത്രിയായിരുന്നു സംഭവം. തെയ്യപ്പാറ സ്വദേശികളാണ് കുട്ടിയെ കൂട്ടാതെ വീട്ടിലെത്തിയത്. രാത്രിയില് വിജനമായ റോഡില് ഒരു കുട്ടി അലയുന്നതായി വിവരം ലഭിച്ചതിനെ തുടർന്ന് പോലീസ് എത്തി കുട്ടിയെ സുരക്ഷിതമായി വീട്ടിലെത്തിക്കുകയായിരുന്നു. യുവതിയെ പെട്രോളൊഴിച്ച് അപായപ്പെടുത്താൻ ശ്രമിച്ചെന്ന പരാതിയിൽ യുവാവിനെതിരെ ഇതിനു മുൻപും കേസുള്ളതായി പോലീസ് പറയുന്നു.
യുവാവും യുവതിയും മദ്യപിച്ച നിലയില് വൈകിട്ട് മുതല് അങ്ങാടിയില് ഉണ്ടായിരുന്നു. കുട്ടിയെ കടത്തിണ്ണയിലിരുത്തി ഇവർ തമ്മിൽ തർക്കത്തിലേർപ്പെട്ടതായി പൊലീസ് പറയുന്നു. വഴക്കു മൂത്തതോടെ കടത്തിണ്ണയിലിരുന്ന കുട്ടിയെ കൂട്ടാതെ ഇരുവരും വീട്ടിലേക്ക് മടങ്ങി. കുറെ നേരം കഴിഞ്ഞു കടയടച്ച് വീട്ടിലേക്ക് പോവുകയായിരുന്നയാൾ രാത്രിയില് വിജനമായ റോഡില് കുട്ടി അലഞ്ഞു തിരിയുന്നതായിക്കണ്ടു വിവരം പൊലീസില് അറിയിക്കുകയായിരുന്നു. പിഎസ് എത്തി കുട്ടിയെ തിരികെ വീട്ടിൽ എത്തിക്കുകയായിയിരുന്നു.
