വിവാഹമോചനം ഒരു പുതുമയുള്ള സംഗതിയല്ല. ഭാര്യാഭര്ത്താക്കന്മാര് തമ്മിലുള്ള വിശ്വാസ കുറവ് ഇരുവർക്കുമിടയില് തീര്ക്കുന്ന സുഖകരമല്ലാത്ത ബന്ധമാണ് പലപ്പോഴും വിവാഹ ബന്ധങ്ങളെ വിവാഹ മോചനത്തിലേക്ക് നയിക്കുന്നത്. (Divorce in just 3 minutes after marriage)
വിവാഹ ശേഷം ഒന്നോ രണ്ടോ വര്ഷങ്ങള്ക്ക് ശേഷം മുതൽ, പത്ത് മുപ്പത് വര്ഷത്തെ ദാമ്പത്യത്തിന് ശേഷം വരെ വിവാഹമോചനത്തിലേക്ക് നീങ്ങുന്നത് സാധാരണം. എന്നാല് വിവാഹം കഴിഞ്ഞ് വെറും മൂന്ന് മിനിറ്റിനുള്ളില് വിവാഹ മോചനം നേടുക എന്നത് സംഭവിക്കുമോ ? എന്നാൽ അതാണിവിടെ സംഭവിച്ചിരിക്കുന്നത്.
നടപടിക്രമങ്ങൾ അവസാനിച്ച ശേഷം, വെറും മൂന്ന് മിനിറ്റിനുള്ളിലാണ് ദമ്പതികള് വിവാഹബന്ധം ഒഴിഞ്ഞതെന്ന് ഇൻഡിപെൻഡന്റ്സ് ഇൻഡിയിലെ ഒരു റിപ്പോർട്ട് പറയുന്നു. സംഭവം 2019 -ൽ നടന്നതാണെങ്കിലും അടുത്തിടെ വീണ്ടു ഈ വിഷയം സമൂഹ മാധ്യമങ്ങളില് വൈറലായി. കുവൈത്തില് നിന്നുള്ള ഭാര്യാഭര്ത്താക്കന്മാരാണ് മൂന്ന് മിനിറ്റിനുള്ളില് വിവാഹബന്ധം വേര്പെടുത്തിയത്.
കോടതിയില് വച്ച് നടന്ന വിവാഹ ചടങ്ങ് കഴിഞ്ഞ് വരനും വധുവും ഇറങ്ങവെ വധു കാലിടറി വീണു. ഈ സമയം വരന്, വധുവിനെ ‘മണ്ടി’യെന്ന് വിളിച്ചതിന് പിന്നാലെ പ്രകോപിതയായ വധു, ജഡ്ജിയോട് തന്റെ വിവാഹ ബന്ധം വേര്പെടുത്താന് ആവശ്യപ്പെടുകയായിരുന്നു. വിവാഹം കഴിഞ്ഞ് വെറും മൂന്ന് മിനിറ്റിനുള്ളില് വധുവിന്റെ ആവശ്യപ്രകാരം ജഡ്ജി തന്നെ ഇരുവരുടെയും വിവാഹബന്ധം വേര്പ്പെടുത്തുകയായിരുന്നു
സംഭവും വീണ്ടും സമൂഹ മാധ്യമങ്ങളില് വൈറലായപ്പോള് നിരവധി പേര് വധുവിന്റെ തീരുമാനം ശരിയാണെന്ന് അഭിപ്രായപ്പെട്ടു. ‘തുടക്കത്തിൽ അവൻ ഇങ്ങനെയാണ് പെരുമാറുന്നതെങ്കിൽ, അവനെ ഉപേക്ഷിക്കുന്നതാണ് നല്ലത്’ എന്നായിരുന്നു മിക്കവരുടെയും അഭിപ്രായം.
