ദിത്വ ചുഴലിക്കാറ്റ്: സംസ്ഥാനത്ത് ഒറ്റപ്പെട്ട മഴ തുടരും
തിരുവനന്തപുരം: ബംഗാൾ ഉൾക്കടലിൽ ശ്രീലങ്കയ്ക്ക് മുകളിലായി നിലനിൽക്കുന്ന ദിത്വ ചുഴലിക്കാറ്റ് ഇന്ന് പുലർച്ചയോടെ വടക്കൻ തമിഴ്നാട്, പുതുച്ചേരി, തെക്കൻ ആന്ധ്രപ്രദേശ് തീരങ്ങൾക്കടുത്തെത്താനാണ് സാധ്യത.
ഇതിനെ തുടർന്ന് തീരപ്രദേശങ്ങളിൽ കേന്ദ്ര കാലാവസ്ഥ വകുപ്പ് ജാഗ്രതാനിർദേശം പുറപ്പെടുവിച്ചു. ഇപ്പോൾ തന്നെ തീരപ്രദേശങ്ങളിൽ ശക്തമായ കാറ്റ് അനുഭവപ്പെടുകയാണ്.
ചുഴലിക്കാറ്റ് മണിക്കൂറിൽ ഏകദേശം അഞ്ച് കിലോമീറ്റർ വേഗതയിലാണ് മുന്നേറുന്നത്. ഇതിന്റെ സ്വാധീനഫലമായി തമിഴ്നാട്ടിൽ രാവിലെ മുതൽ ശക്തമായ മഴ തുടരുകയാണ്.
ഉച്ചവരെ കനത്തമഴ തുടരുമെന്നാണു കാലാവസ്ഥ നിരീക്ഷണ കേന്ദ്രത്തിന്റെ പ്രവചനം.
ചുഴലിക്കാറ്റിന്റെ പരോക്ഷ സ്വാധീനം കേരളത്തിലും അനുഭവപ്പെടും. ഇടത്തരം മഴക്കും ചില സ്ഥലങ്ങളിൽ ഒറ്റപ്പെട്ട ശക്തമായ മഴയ്ക്കും സാധ്യതയുണ്ടെന്ന് കാലാവസ്ഥ വകുപ്പ് അറിയിച്ചു.
English Summary
The Ditva cyclone positioned over Sri Lanka in the Bay of Bengal is likely to move close to the northern Tamil Nadu, Puducherry and southern Andhra Pradesh coasts by early morning today. The IMD has issued an alert for these coastal regions as strong winds are being reported. Tamil Nadu is experiencing heavy rainfall, expected to continue until noon. Kerala will also see moderate rainfall with isolated heavy showers due to the cyclone’s influence.
ditva-cyclone-nears-tn-coast-alert
Cyclone Ditva, Tamil Nadu, Puducherry, Andhra Pradesh, Kerala Weather, IMD Alert, Bay of Bengal, Heavy Rain, Sri Lanka Weather
