തൃശൂർ: ഡിവൈൻ ധ്യാനകേന്ദ്രത്തിൽ ധ്യാനത്തിന് എത്തിയ സംഘം പാളം മുറിച്ച് കടക്കുന്നതിനിടെ രണ്ടു സ്ത്രീകളെ ട്രെയിൻ ഇടിച്ചു. ഒരാൾ തൽക്ഷണം മരിച്ചു. മറ്റൊരാൾക്ക് ഗുരുതരമായി പരുക്കേറ്റു.

ഡിവൈൻ ധ്യാനകേന്ദ്രത്തിൽ ധ്യാനത്തിന് എത്തിയ കാസർകോട് കാഞ്ഞങ്ങാട് സ്വദേശിനിയാണ് മരിച്ചത്. മൂന്നു പേർ ഒരേസമയം ട്രാക്ക് മുറിച്ച്കടക്കുന്നതിനിടെ ആയിരുന്നു അപകടം. എറണാകുളം ഭാഗത്ത് നിന്ന് വന്ന ട്രെയിനാണ് ഇടിച്ചത്.

മരിച്ചയാളുടെ പേര് സ്ഥിരീകരിച്ചിട്ടില്ല. വടക്കൻ പറവൂർ വടക്കും പാടൻ തോമസിന്റെ ഭാര്യ ഉഷയ്ക്കാണ് അപകടത്തിൽ ഗുരുതരമായി പരുക്കേറ്റത്. റെയിൽവേ ട്രാക്കിൽ പരുക്കേറ്റ് അര മണിക്കൂറോളം കിടന്ന ശേഷമാണ് പൊലീസ് എത്തി ഇവരെ ആശുപത്രിയിലേക്ക് മാറ്റിയത്.