അതിർത്തിയിൽ സംഘര്ഷം കനക്കുന്നതിനിടെ പാക്കിസ്ഥാന് സൈന്യത്തില് ഭിന്നതയെന്ന റിപ്പോര്ട്ട് പുറത്തുവരുന്നു. സൈനിക മേധാവി ജനറല് അസിം മുനീറിനെ കസ്റ്റഡിയിലെടുത്തെന്നും സൈന്യത്തിലെ മറ്റു മുതിര്ന്ന ഉദ്യോഗസ്ഥര് മുനീറിന്റെ രാജി ആവശ്യപ്പെട്ടെന്നാണ് സൂചന.
പാക്കിസ്ഥാന്റെ ജോയിന്റ് ചീഫ്സ് ഓഫ് സ്റ്റാഫ് കമ്മിറ്റിയുടെ ചെയര്മാന് ജനറല് സാഹിര് ഷംഷദ് മിര്സ സൈനികമേധാവിസ്ഥാനം ഏറ്റെടുത്തെന്നു സ്ഥിരീകരിക്കാത്ത വിവരമുണ്ട്. ഷംഷദ് മിര്സയാണ് മുനീറിനെ കസ്റ്റഡിയിലെടുത്തതെന്നാണ് വിവരം.
പാക്ക് സൈന്യത്തിന്റെ ഉന്നതതലത്തിലെ ഭിന്നിപ്പു വ്യക്തമാക്കുന്നതാണിത്. മുനീറിനെ അജ്ഞാത കേന്ദ്രത്തിലേക്കു മാറ്റിയെന്നും രാജ്യദ്രോഹക്കുറ്റത്തിനു സൈനിക കോടതിയുടെ നടപടികള്ക്കു വിധേയനാക്കുമെന്നും സൂചനയുണ്ട്.
അതേസമയം, ബലൂചിസ്ഥാന് പ്രവിശ്യയുടെ തലസ്ഥാനമായ ക്വെറ്റയുടെ നിയന്ത്രണം ബലൂച് ലിബറേഷന് ആര്മി (ബിഎല്എ) കൈക്കലാക്കിയതായും സ്ഥിരീകരിക്കാത്ത റിപ്പോര്ട്ടുണ്ട്.
വ്യക്തിപരമായ നേട്ടങ്ങള്ക്കായി അസിം മുനീര് രാജ്യസുരക്ഷയെ കുരുതി കൊടുത്തുവെന്ന വികാരം പാക്കിസ്ഥാനില് ശക്തമാണ്.
ഫ്ലാറ്റിൽ തീപിടുത്തം: പ്രവാസി യുവാവിനു ദാരുണാന്ത്യം: വിടപറഞ്ഞത് കോട്ടയം സ്വദേശി
ഏറ്റുമാനൂർ/കോട്ടയം: കുവൈത്തിൽ ഫ്ലാറ്റിലുണ്ടായ തീപിടിത്തത്തിൽ മലയാളിക്ക് ദാരുണാന്ത്യം. ഏറ്റുമാനൂർ പട്ടിത്താനം പുലിയളപ്പറമ്പിൽ ജോജി ജോസഫ് (50) ആണ് മരിച്ചത്.സ്വകാര്യ കമ്പനിയിലെ ഡ്രൈവറായിരുന്നു.
ചൊവ്വാഴ്ച വൈകിട്ട് അഞ്ചോടെ കുവൈത്തിൽ ജോജി താമസിച്ചിരുന്ന ഫ്ലാറ്റിലായിരുന്നു തീപിടിത്തം.
സംസ്കാരം ഇന്നു 11.30നു പട്ടിത്താനം രത്നഗിരി പള്ളിയിൽ.
ഭാര്യ: ഓയൂർ ലവ് ഷോർ വീട്ടിൽ മോളി (കുവൈത്ത്). സഹോദരങ്ങൾ: ഷാജി, മിനി, ജോബി.
